自從妹妹出咗世之後,日子真係超忙忙忙!!!

每2.5-3小時餵妹妹飲奶一次,每4小時去泵奶一次,做完以上工作之後就係陪Beku玩嘅時間,雖然請咗陪月已經減輕咗好多工作,不過仲有少量嘅家務要做,老實講,一日嘅時間真係唔夠,尤其要陪吓精力充沛嘅Beku,無理由每次陪佢時我就坐係到打瞌睡又或者躺係到嘛,點都要比咗D戲佢,陪吓佢玩等佢知我無忽略佢,佢仍然係好重要的。

不過,唔夠瞓真係好辛苦,每日都瞓唔夠 5-6小時,仲要係分開2-3次嚟瞓,每次只有個幾鐘,本來好醒瞓的我,而家已經變成懶瞓豬,連鬧鐘響都聽唔到啦!有幾次明明要起身泵奶,最後因為聽唔到鬧鐘攪到勁谷,好在未至於乳線塞及發炎咋,唔係就大件事!!!

Miku 妹妹就嚟滿月啦,通常滿月就過一大關(辛苦少D);三個月一關;半年一關;一年又一關!真係好希望滿月後,妹妹可以好快戒夜奶,咁我哋都會好過D,無咁辛苦啦!
arrow
arrow
    全站熱搜

    travelcake 發表在 痞客邦 留言(7) 人氣()