之前睇了一些懷孕書，成日話到懷孕後期會有宮縮現象。其實宮縮，並不只在後期才有，只不過懷孕後期的次數會比初期時密，主因是子宮要為應付生產那一刻而不斷練習嘛。
記得第一次感到宮縮，應該係13－14週嘅時候，每朝瞓醒，小腹中間就會不期然硬咗！但又唔會痛，又唔會有麥特別感覺喎，過1－2分鐘便會放鬆返，個肚皮又會軟返架啦。後來問醫生，佢話嚟D係正常的宮縮，由初期已有（次數較少），因為子宮都要慢慢練習一下，為生產而準備，只要唔痛無異樣就無問題了。
隨著肚皮越來越大，週數越來越多時，宮縮的情況也越來越多，以前可能一天才1－2次的宮縮，現在可能有8－9次之多，尤其當你突然站起來，起床時等，都很容易有宮縮的情況，不過正如醫生所說，咁係正常的，不用太擔心。再過多1－2個星期，可能還開始有假陣痛的情況出現（宮縮＋不規律的痛），這都是子宮為生產而作的準備，只要不是有規律的陣痛便不需太緊張。不過，如果是有規律的陣痛的話（即約30分鐘痛一次），就即係生得，可以攞走佬袋去醫院準備了！！！
travelcake 發表在 痞客邦 留言(0) 人氣()
估唔到嚟個颱風“浣熊“咁勁，除咗為香港帶嚟40前來最早的一個三號風球之外，仲帶嚟黑色暴雨！！！
travelcake 發表在 痞客邦 留言(0) 人氣()
忍咗咁多個月，終於32週（8個月了），可以開始食D涼野去胎毒啦！ 我計劃呢，32週開始便食少少西瓜及付竹蛋糖水，到34週起便開始飲白蓮蘇及綠豆沙至Beku出世。希望嚟個安排，不會令Beku過早出世，同時又可以幫佢去去胎毒，等出世後皮膚會靚D啦。
travelcake 發表在 痞客邦 留言(0) 人氣()
懷孕以來，有生仔經驗的朋友常常會問道：“有沒有抽筋呀？“ 我都會回答：“好好彩Touchwood未試過，我都希望整個懷孕期都唔會抽筋，因為抽完隻腳會好辛苦，痛幾日的！“
travelcake 發表在 痞客邦 留言(0) 人氣()
無論入私家定政府醫院，都需要為自已準備一個“走佬袋“（即入院後會用的物資）。住私家的，因為私家醫院會提供入院用品，所以相對地走佬袋的物資便較少。到政府醫院的話，因為很多物資都要自需，聽其他媽咪的分享，好多時一個袋都唔夠用，要兩個才行（只是床墊，M巾，尿片已佔了一個袋了）。
travelcake 發表在 痞客邦 留言(0) 人氣()
其實自懷孕後，好多野都唔食得，海鮮又話怕令BB皮膚唔好，易有濕疹；芒果菠蘿榴槤都唔得； 魚生雪糕又話生冷野怕有大腸幹菌； 西瓜涼茶龜岺羔又話太涼唔得； 煎炸野零食又話唔好．．．總之就唔可以話想食麥就食麥，忍口真的忍得好辛苦呀！ 尤其是去飲茶，真係無啖好食，因為機乎樣樣點心都有蝦，咁．．．咪即係麥都唔食得？
travelcake 發表在 痞客邦 留言(0) 人氣()
尋晚發了一個好奇怪嘅夢！！！ 我夢見我去咗醫院生咗Beku出嚟喎！！！
成個Story唔記得了，總之唔知點解老公陪我入咗院，咁係個待產房做檢查，初初姑娘仲話：“等吓啦，無咁快，你痛先叫我啦，起碼開到三度先幫到你。“ 咁我就同老公係到等啦，睇吓幾時個肚開始痛。好攪笑，做檢查個地方除了我，仲有另一個孕婦係到做檢查，而且大家都有老公陪住喎 （做緊檢查唔係只可以一pair人係到之咩？ 點解會有兩Pair 嘅？）
好啦！開始感覺到個肚有D痛，咁就叫姑娘嚟啦，姑娘一嚟到，我已感覺疴咗少少野出嚟，原來係Beku隻手呀！ 跟住姑娘幫我檢查，睇吓我嘅進度，跟住都係話：“等吓啦，開夠十度就生得架啦！“。咁我又只可以係咁等，跟住突然之間，又感覺疴咗D野出嚟，原來．．． 小Beku出世啦！！！
travelcake 發表在 痞客邦 留言(0) 人氣()
其實我一直都忍手唔買衫仔比Beku住，因為我知道很多朋友都已經認頭會比D衫仔我哋！而且初生真係好少出街，所以真係唔需要買太多或太靚嘅衫仔。但星期六見隔離產前講座仲有大半小時，我便係中環區逛逛，就係咁．．．買咗第一套衫仔比Beku!
travelcake 發表在 痞客邦 留言(0) 人氣()
有朋友在廣華上產前講座，次次都有贈品的，而且所贈送的禮品都幾吸引架，好似有：莊生濕紙巾，Body lotion, Huggies 80片厚裝濕紙巾（連盒），Huggies 尿片買一送一贈券等等。真係每一堂都有驚喜禮品，實在為孕婦嘅荷包慳返唔少。但我呢，之前兩次係瑪麗上講座班都無派發贈品（有D失望！），唔知係咪因為廣華出名婦產科，所以所有公司都走去Sponsor廣華？而忽略了其他醫院呢？
travelcake 發表在 痞客邦 留言(0) 人氣()
孕婦通常在28－30週便會進行耐糖測試（即驗糖尿），睇吓我地有無“妊娠糖尿症“。聽說進行這個測試，先要抽一支餐前血（由前一晚十二點開始不能進 食），跟著就要係10分鐘內飲晒一杯“超甜“的特制糠水（以一個外賣涷飲杯，倒入大半杯萄葡糖粉加暖水沖制而成）真係“甜到漏“呀，如果飲唔晒或飲完之後 嘔吐的話，就需要再約期測試！ 如果捱得到，2個鐘後再抽第二支血便完成整項測試，可以返屋企等報告。
travelcake 發表在 痞客邦 留言(0) 人氣()
朋友同我講原來吉之島＄10店都有D 嬰兒用品賣，而且價錢仲好抵（＄10／件）比起係百貨公司賣果D真係平好多呀！ 咁果日我有時間就去＄10店睇下，好似個被夾咁，我係百貨公司見最平果款都要＄25（而且外型唔太靚），但而家只需要＄10便有交易，真係好鬼抵呀，慳返唔少錢呀！ 另外，我仲買咗D濕碎野，真係買得好開心呀！
travelcake 發表在 痞客邦 留言(0) 人氣()
之前電視台有套叫“師奶唔易做“既劇集，真係講晒所有“小師奶“既心聲。其實，不單只師奶唔易做，孕婦都唔易做！
以前成日會覺得大肚之嘛，有幾難？身邊的朋友懷孕不久，好像是眨吓眼，幾個月後就話生咗個健健康康的小BB。你又睇吓D十幾歲既小妹妹話咁易就有咗就知唔難啦！（唉！都話明佢哋係十幾歲卜卜脆啦，所有機能都好Fresh，又點同我地嚟D比較？）說實在話，當自已真真正正開始計劃懷孕到現在，不論發生在自已身上的，或朋友身上的，或在網上看到的，其實都發現，要懷一個小生命並待它能夠健康成長至出世，其實都不是容易事．．．．．．
travelcake 發表在 痞客邦 留言(0) 人氣()
聽說，入到產房，身上所有飾物都要脫下，如果無除嘅話，產房姑娘就會用大鉸剪剪爛佢！ 所以，所有戒指呀，耳環呀，手鍊／鈪等等飾物都要係入產房前除低。
travelcake 發表在 痞客邦 留言(0) 人氣()
其實一路都無唸過去照4D，因為之前見過朋友嘅4D相，真係好難睇出BB嘅樣，同埋好多時同生出嚟嘅樣唔同！ 但自從係22週去瑪麗覆診照3D，佢送咗一張黑白A4嘅Beku相比我之後，果一刻真係好開心，覺得好奇妙，估唔到咁早都可以睇到佢個樣。於是就好有衝動去照4D。我唸．．．嚟D就係為人父母VS旁觀者嘅分別！
travelcake 發表在 痞客邦 留言(0) 人氣()
{###_albums/aa162/travelcake/Beku/Bekumovement2.flv_###}
好嘢
！又比我影到了！ Beku你今次郁得好勁呀！ 雖然我已經走入房攞相機，再慢慢坐底，但妳都無停到，係咁郁比反應！ 仲有一吓好勁咁踢我添！ 見到你咁活躍真係開心！
講真！近排爸爸一放隻手係肚皮，你好似唔多比反應佢播！早排你唔係咁架？爸爸一放隻手係個肚皮到，叫你郁一吓你就好乖咁郁架嘛，好聽話架喎！你知唔知當你唔郁時，我地都會好擔心的，尤其平時晚上一瞓落度幾分鐘左右，你就會係咁郁，但有一晚你竟然無郁，真係嚇到我果晚都瞓得唔好架，好在！半夜都Feel到你郁，第二朝都有，不過就無之前咁大力啦！但次數都OK，我先放心。總之呢，只要不時咁Feel到你既存在，咁我同爸爸就會好安心了！
travelcake 發表在 痞客邦 留言(0) 人氣()
Week 23-24
~過完年之後，突然覺得個肚脹咗好多。過年前著嘅鬆身衫，唔留心睇其實唔覺得有個“大肚“係到，但過年後，明顯地件衫係隆起咗少少。
keke...Beku正努力成長！
~每星期都會嘔1 -2次，不過好好了，因為只在朝早食早餐前嘔，即只係嘔白泡＆黃膽水，相比起食完野先嘔，好好多了！ 不過，我究竟幾時先完全唔嘔呢？
travelcake 發表在 痞客邦 留言(0) 人氣()
上網睇D留言版，見其他媽咪分享，先知道原來beku係個肚入面係會
"打C-egg"㗎！ 估唔到咁細都會打C-egg呀！
咁佢打C-egg同胎動有嘜唔同呢？就係打C-egg呢，力度會細D，次數好密而且有規律的（即約每 1-2秒打一次咁）！跟住我唸吓，真係有喎，有時Beku唔係郁好大力，真係細力到只可以感覺到，係肚皮上係摸唔到的，咁郁起上來係有規律㗎，原來．．．嚟D就係叫做"打C-egg"
唔洗擔心話打C-egg唔健康，以為你飲得水少或者坐或瞓既位置唔好所以攪到佢缺氧，話原來打C-egg係個胎開始練習呼吸，所以係正常的，唔需要擔心！
travelcake 發表在 痞客邦 留言(0) 人氣()
好緊張！終於到咗第28週啦，亦即踏入懷孕後期階段，仲有12週Beku就會出嚟見大家啦！
心情開始有D亂呀！點解？一嚟係開心啦，因為肚入面既小生命仲有唔夠3個月就會出嚟見大家嘛，等咗咁耐都仲等嚟一刻，二嚟就係開始有D擔心，雖然話已經去到懷孕後期，但無人會知道餘吓既12週會有D麥野事發生？也唔知會知，竟然生果一刻係點呢？Beku生出嚟係咪健健康康呢？ 生產過程順唔順利呢？ 會唔會痛到我叫救命呢？？？ 真係好多好多問題，開始令人擔心．．．．．．
不過點都好，都捱過咗28週了，我都希望餘吓既12週可以順利渡過，我相信Beku都係咁唸，好想出嚟見下佢未來既爸爸媽媽，期待著日後成長的家及環境！ 努力呀！
travelcake 發表在 痞客邦 留言(0) 人氣()
{###_albums/aa162/travelcake/Beku/P1050478.flv_###}
因為Beku嘅Size越黎越大，所以而家感覺佢嘅胎動都越黎越明顯，而且次數都好似比之前多。我曾經試過好多次，當係Beku郁動之時影低佢，但Beku都好聰明，我一有麥郁動時佢就來個“以靜制動“，所以好多時我既計劃都係失敗嘅！
嚟次好好彩，剛剛相機係隔離，先可以靜靜雞影到咋
。不過佢既郁動就唔算好大力，但都好密吓（影次前其實佢都郁咗一陣架啦）。最明顯係第1秒＆第17秒，見到個肚皮震咗一震，其他嘅，只要你留心D，睇下肚皮有D “郎郎“吓，同我既呼吸唔協調，果D就係beku既郁動
travelcake 發表在 痞客邦 留言(0) 人氣()
之前都講，BB用品真係五花八門，好多野都唔知點用，亦都唔知邊D function 先至係“合河車“。其中一個最煩惱的就係選購BB車，BB車嘅款式／賣點真係多到你估唔到，e.g. 輕身，3／5點式seat belt，舒服坐墊，全蓋cover, 雙向手柄，360度車輪，單手收車，有揹帶，有cup holder，手柄高度可調教，防UV，有親子天窗等等等等．．．睇見嚟D賣點都頭痛，真係唔知邊樣啱自已，邊樣真係必須的。
後來睇多幾次，再問下朋友嘅意見，又睇下其他媽咪用後感，終於知道自已想要的BB車是怎樣：
1．
Seat 位寬身D，咁BB就算係大碼B，起碼都可以坐到歲幾兩歲，都唔會坐得太辛苦。
travelcake 發表在 痞客邦 留言(0) 人氣()
My life with BeKu (3)
