自知道有咗之後，一路都無整過蛋糕，初頭幾個月就嘔到無力，之後就唔想自已太辛苦（整一個蛋糕閑閑地都2個鐘），加上唔知點解又無mood整，所以懷孕咁耐都無整過。
不過，成日見YUMI同Deen嚟兩個預產期同我差唔多嘅朋友仔，一有時間就整下餅，我都好鬼羡慕佢地咁有心機＆精神，攪到我又心思思，心思思咗幾個月後，終於，尋日放工去咗買 Cream Cheese，今朝一起身就整咗黎個日本芝士蛋糕（我 嘅至愛！），滿足吓自已先！雖然無整幾個月，但手勢都．．．OK啦！ 不過不失！一個下午，就比我食咗半個蛋糕了！ 嚟個蛋糕都算幾健康架，牛油唔多，又無Cream，主要係芝士同雞蛋，完全可以補充我需要的鈣及蛋白質，正！ 仲有一大舊芝士淨，睇下黎3日假期仲有無精神／興致再整先。
P.S. 話時話，無去材料店幾個月，原來而家D物價貴咗好多！原本一舊＄44嘅cream cheese，而家竟然要$55，加左差不多20%，真誇張！！！
全站熱搜
留言列表
My life with BeKu (3)
