Travel 。CaKe

今日發生了一件尷尬事！其實事發時是沒有覺得尷尬的，只是離開現場不久就覺得自己有點失禮，好似好無禮貎咁。

是緣今日我哋一家四口係康怡廣場準備返歸嘅時候，係自動電梯附近突然發現兩位女仕正望著我們，起碼我不以為然，因為自從坐完月後要揹著妹妹出街，好多時都會有不少目光投放在妹妹身上，不是研究我用的揹帶？就是說bb好細個好可愛,etc。如果Beku在附近的話，就梗加多人望，其實我都唔知點解？可能是這個年代很少人會計劃生兩個bb？可能她們很少見一拖二去買餸？可能好少見全職媽媽？Anyway,　我算好彩，咁耐以來拖著兩個女去街，大多數的途人的目光及言語都是善意的，曾經睇過另一Blogger的一篇文章，她又是坐完月就要揹著細b去買餸，聽到的說話竟然是：「咁細個就唔好帶佢出街啦！」完全聽得出講者根本不明白我們的難處。

哎也，叉開咗添！講返今日係康怡發生嘅事，我見到兩位女仕眼甘甘手指指咁望住我地，起碼我都以為係普通的路人，但其中一位女仕竟然說：「我有睇你個blog架！」聽到嚟句好突然，突然到都唔知點反應，我就衝口答咗句：「嘜我識你架？」，因為我無刻意張個Blog address 公開，最多都是給我或船生的朋友看，我無唸過會係街撞到一個常常睇我個Blog，還可以認出Beku 及Miku的人，但那個人我竟然不認識的？真係我唸都唸唔到架！之後唸返，我咁講真係幾無禮貎！如果嚟位女仕繼續有睇我個blog的話，在此向你說一聲SORRY!　其實，我應該答你：「多謝你喜歡睇我個blog！」