Travel 。CaKe

尋晚真係比Beku嚇死!!!!

晚上當我上床準備瞓覺嘅時候, Beku就開始不停地郁動, 而且動作比平時密, 又比平時強. 有一下仲郁到我都"叫"左出黎, 感覺就好似有隻大老鼠仔係肚皮內"掟彎"咁, 由左邊掟去右邊... 真係成個肚, 成個人都彈起呀!!!

我的尖叫都嚇左老公一跳, 我即刻話佢知Beku的強烈郁動, 佢都即刻走過黎摸摸我肚皮. 雖然Beku再無"掟彎", 但佢都好乖, 比爸爸實實在在咁感受到她嘅強烈郁動, 而且唔只一次, 仲有幾次添. 老公即刻開心到呃...

最攪笑係, 我瞓到半夜, Beku都仲未停, 係咁係我左邊肚不停不郁.... 攪到熟睡緊既我都比佢"跳"醒呀... Beku, 你今晚做麥咁活躍呀??? 係開心? 好想玩? 還是係我肚裏面唔舒服所以發忟憎係咁郁係咁踢呀???

不過點都好啦, 你郁, 總好過唔郁, 唔郁我就真係驚啦... 不過咁, 下次可唔可以唔好"掟彎"? 果吓真係....嚇親媽咪呀