Travel 。CaKe

很多朋友也會問，你自己一個湊兩個，點樣去買餸呀？困難嗎？暫時來說，算OK，不是很困難。通常是左手拖著Beku，右肩揹住購物袋，心口就揹住Miku（如果不是去街市而又方便的話，我就會推BB車，咁就更輕鬆）　

又揹住Miku又去買餸，累嗎？
“暫時來說，Miku的體重有限度，又不會郁來郁去，總算ok，可以應付，加上我是天天買餸天天清的（一來我家雪櫃細，二來我也沒本事揹幾天的餸回家），所以每次買的東西不多，也不算很重。”

Beku咁定咁乖肯拖著你走嗎？
“除了屋企樓下或較空曠無麥人的地方我會放心比佢自己行之外，人多／街市等地都一定要拖住行，Beku都明白這個道理，就算有時去到街市口她說要自己行，只要我話街市人多一定要拖住，她也不會扭計的。”

其實每日拖著佢地去買餸都唔錯架！以前去街市，我好少話同d小販傾偈的，現在反而因為兩個女的關係，有d檔口認得你，會同你傾兩句，有d就會搭多條蔥比你，都唔錯架！另外，自從妹妹出世後，每日真係無麥時間帶Beku落街走走，所以去街市就成了Beku每日的Outdoor Activity，算係活動一下唔洗日日困係屋企咁悶啦！有時如果時間早，仲可以去公園玩一陣，對Beku對我都是一件好事呀！

有時都會唸，唔知到Miku大多幾個月，開始學行唔肯揹時，Beku又未返學喎，到時仲可唔可以一拖二去買餸呢？