Travel 。CaKe

而家Beku好鍾意坐係我地大脾上，跟住就頭“鱷鱷“咁周圍望。現在，我地只需要輕輕力扶一扶佢背部，佢自己都可以支撐到個頭仔一陣，到無力時，頭仔就會自自然向下墜，很可愛呢！

那天早上，幫Beku換片片時，發現她“眼定定“地望著自己的手仔，像很疑惑這隻小手是誰的？ 為什麼會郁動的？ 之前去健康院聽講座，姑娘也說2個月的BB開始留意身邊的事物，難道，小手就是她第一件留意到的事？？？

經過幾星期的觀察，現在可以說Beku已經戒夜奶了！！！

唔知點解，這次同Beku影相，佢開心到不斷伸脷，好得意！ 有幾張相仲笑得有D奸奸地添！ 真係好鬼攪笑！

Beku嘅腳力非常厲害，瞓覺嘅時候，除了識得踢開張被，撐吓撐吓，將自己由床尾升到上床頭之外，而家，仲學識咗點樣轉彎，就打直瞓變成打橫嚟瞓！ 真係好犀非利呀！

九號風球下的Beku, 本來可以安安定定咁係屋企瞓覺，睇奧運（係偷睇奧運先岩，因為佢成日“炸家E“睇電視），點知，因為爸爸媽媽要食飯，加上要買點儲糧，所以就係剛剛掛上9 號風球嘅情況下，帶咗佢去太古城！哈！！！聽見係咪覺得嚟對父母有D問題？9號風球都帶BB出街呢？ 主因係今次嚟個風球係吹西北風，我家住東邊，所以我屋企附近D風都唔算好勁（加上屋苑行去地鐵站好近，大部份地方都是有瓦摭頭），對比兩星期前吹果個8號 風球（吹正東風），真係差好遠，果次吹到我屋企原本閂咗既window（可能閂唔實）都比佢吹開至90度角，真係嚇死！

雖然媽媽白天要返工，但Winnie the pooh會替媽媽保護小Beku，等小Beku每天都開心快活。

 

 

 
今個星期開始返工，真係好鬼忙。不論係公司，還是返到屋企都一樣！放緊產假時，如果真係好累，都可以有少少時間瞓晏覺，不過而家就無了，所以．．．每日到晚上十點餵奶時，都會餵到想瞓覺！

自6號開始幫Beku set 一個schedule  戒夜奶後，終於有D成績了！

13號淩晨起，Beku照舊係淩晨2-3點喊食，但今次有D唔同，喊一陣就停，同埋佢嘅喊聲唔係好強，似扭計多過喊肚餓，所以我地都無理佢，就係咁佢喊咗 一陣就瞓返。跟進到5點幾又喊過，今次呢，聲音較強，似係肚餓，但睇過書，有講過話BB係戒夜奶時段，好多時會係淩晨5點左右醒，原因係佢地比自己個生理 時鐘卡住咗，未必真係需要食奶，所以只要佢可以再瞓，瞓到食奶時嘅呢，就麥事都無。所以每次5點左右佢喊時，我就抱佢去大床抱住佢瞓至6點，我起身泵奶， 咁佢就可以繼續瞓，至我泵完奶，消毒晒D奶樽先餵佢食奶。

都算有少少成績，半夜不用餵奶，不過好希望Beku可以快D習慣，咁連2-3點及5點都唔會喊就最好，因為佢一喊，雖然我唔餵奶，但係．．． 都一樣攪到我瞓唔著，一晚僅有的5小時睡眠時間，最後只有3－4小時而已。Beku，你要繼續努力！希望好快可以一覺瞓到大天光，半夜唔會再喊啦！

返工前幾日，本來想幫beku戒夜奶，咁返工後就無咁辛苦，點知．．．夜奶就仲未戒到（都仲係2－3點要食餵），返而呢，訓練到佢可以自已瞓！雖然每次瞓 前佢都會喊，又或瞓瞓吓會喊，但好多時都係喊一陣佢自自然會自已入睡，書本話嚟D喊係正常，你唔理佢佢就會再入睡，咁當然，如果唔舒服喊，就一定要理會， 唔可以尤得佢喊啦。

Beku已經兩個月了，今朝同佢去咗私家診所到打針 （五合一及輪狀口服液），我唸係醫生第一次見Beku，所以有幫Beku度高，磅重及度頭圍。跟據新嘅數字，Beku都幾健康喎。

Beku自已攞奶樽喎！ 係呀！有時食奶食得緊張，佢隻手就會放係奶樽到，不過之前大多是拳頭，今次呢竟然可以打開五隻手指扶住個奶樽呀！雖然佢手仔都仲未好夠提起個奶樽，不過，佢開始有嚟個意識到好，可能好快會可以自已攞奶樽食奶了。

下個星期一就返工了，時間真係過得好快，雖然話日日對住阿囡，好似有D悶，但睇見佢日日長大，表情多多，開始識得同你玩時，真係有D唔捨得呀！好想繼續日日陪住佢，同佢玩，睇住佢成長！

返工前，好多野要準備，也計劃了返工後每天的schedule ! 媽媽已答應來我家照顧Beku，咁我放工後就要立即買餸返屋企煮飯！跟住我就會用僅餘嘅2－3個鐘陪Beku玩，餵佢食奶奶，換片等等。而我呢，也訂下了 泵奶時間，每天4次，00:30; 06:00; 13:00; 19:00，係返工時間只泵一次，盡量減少對工作的影響，已試行了數天，應該無問題！ 不過到時，我一定要準時收工，如果唔係，我就趕唔切買餸，再返屋企泵奶了。

另外，返工前，真的好希望Beku可以戒夜奶，咁樣對我＆老公都好大幫助，因為半夜起身餵一餵奶真的很辛苦，如果可以戒掉的話，起碼我地可以連續瞓5－6 小時。黎幾日係Babykingdom見有人睇“由零歲開始“黎本書，教人點樣為BB set 一個食奶schedule & 等佢可以自已瞓覺，唔好成日要人抱先肯瞓。我地前日開始試，而家餵奶係每三小時一次 （7am, 10am,  1pm, 4pm, 7pm, 10pm ... ...) 淩晨餵食時間我地無訂，希望Beku有咁耐瞓咁耐，真係唔需要餵就唔餵了，試行咗2日，第一日，Beku半夜兩點幾喊，跟住我抱住佢瞓可以瞓到清晨6點， 算．．． 戒夜奶？ 但尋晚佢兩點多三點勁喊，跟住食咗120ml奶，咁．．．即係未戒到羅。好希望一切順利，Beku快D戒夜奶，咁到時我地就有覺好瞓了！

Beku 尋日表演咗一場 “飛屎show"！ （＊照片有點．．．如果怕反胃／唔舒服的話，請不要Click入觀看）

話說每次沖完涼，beku都有機會離開浴盤無耐，尿片都未著嘅時候就開大開細， 成日攪到D毛巾Dirty 晒，都試過疴到媽媽條褲濕晒。咁嚟幾次呢，媽媽每次同佢沖涼之前，會同佢講：“Beku！要ng ng 就ng咗先啦！唔好沖完晒又ng 啦！“ 試過幾次，媽媽話Beku都好乖咁，真係會疴播！

尋日媽媽都以同一個方法啦，而Beku都好乖疴咗3－4下，咁媽媽以為佢疴晒啦，唸住幫佢換片片時，點知．．．突然聽到Be Le Bu Lu．．． 有條啡黃色嘅水柱由Beku pat pat射出來 （註 ： 人奶ng ng 係稀D），係我衣櫃門降落（嚟過我屋企嘅人都知我個櫃係睡床側面），攪到我個衣櫃門，地毡及Beku嘅私家換片墊都沾滿了 ng ng ，連媽媽件衫＆褲都糟糕。雖然整個過程我睇唔到，但聽媽媽容易過後，都覺得係一個奇境！我唸，如果換片果個係我的話，見到咁嘅情境，我一定發顛！！！

生完之後都就快兩個月了，但身型好似無麥點變，都仲未修身，腰依然是30吋，肩膞依然是咁橫，D人話餵人奶會修身D，點解我仲咁大件？ 都仲著唔返之前D衫嘅？ 果日仲比老公話，“嘩！你真係橫咗好多，隻手又好似大隻咗！！！“ 點算？

全身最想減嘅地方係邊到？ 當然係腰＆pat pat啦！ 不過而家餵緊人奶唔可以節食，咁唯有等3個月後做下運動，希望有D幫助啦，如果以後都30吋腰 ．．．真係接受唔到呀！！！

 

Beku大咗，除咗識笑之外，仲識扭計。我哋開始發覺，佢嘅喊聲唔再係同一聲道，而係，起碼有兩聲道（其實可能有3種／4種，不過我地暫時只分得出兩種），就係 ：