媽媽手，好多初為人母的媽媽都會有，主要係因為抱得BB多所致，當然，某程度都會係抱BB嘅手勢／角度問題啦！
我同老公都難逃一劫，大家都患有“媽媽手“，不過，位置有少少唔同，我就係手腕內側，佢就係外側，所以而家抱Beku有時都要就住就住，去到某個位置，隻 手係超痛用唔到力，要就一就力先可以將佢抱起，有時甚至連日常生活嘅動作都做唔到，好似“R“背； “樓“手巾； 攞重野．．．可憐！
上Baby Kingdom睇其他媽媽的分享，原來媽媽手大多是手腕內的“根膜發炎“所致，好多人試過睇跌打；針炙；物理治療； 西醫等都無效，唯一有效嘅就係唔好抱BB，咁隻手就會慢慢好啦．．． 所以當BB再大D唔再需要抱時，隻手就會好返（嘩！咪有排等？）
目前分類：BeKu の 活 (290)
- Aug 02 Sat 2008 19:56
媽媽手
- Jul 29 Tue 2008 20:55
笑騎騎
自上個星期五（Beku出世後第48日），發覺Beku的笑容不再是無意識的，而是只要看到我們，我們跟她逗著玩，她就會報以天真可愛的笑容／開心的樣 子，就這樣，跟她玩了一個下午（吃完奶，不肯睡，就逗她玩，跟她傾偈，到下餐奶了，又是不想睡，便又跟她傾偈，一個下午就這樣過去了）
- Jul 26 Sat 2008 08:57
Milk Bath
係呀，Beku前日開始沖Milk Bath，成份有媽媽奶 ＋溫水，上網見D人話咁樣BB嘅皮膚會滑D喎，等我試多幾日，睇吓係咪真先。用媽媽奶（人奶）嚟到BB沖涼會唔會好浪廢？ 唔會啦，因為我個冰格實在有太多儲備了，唔用的話，過咗期就仲浪廢呀。
- Jul 25 Fri 2008 08:57
睡眠不足
醫生話初生BB最少應該瞓16－18小時，但係我數嚟數去，都覺得Beku每日都瞓唔到咁多。一日食8－10次奶（之前每天11－13次）每次換片＋餵奶 ＋掃風最少45-60分鐘，跟住呢，佢唔係次次食完奶都瞓覺，有時可以食完奶眼光光望住你，明明見佢打晒“喊露“都總係唔合埋眼瞓，要至下一餐奶食完先 瞓，有時如果有朋友嚟探佢，佢真係可以整個下午都唔瞓覺（但有時呢，就會扮乖係咁瞓）。有時就算佢肯睡，但半個鐘／一個鐘後就會扎醒，醒咗之後又要抱吓氹 吓先眠到，跟住無耐又到下餐奶嘅時間。
- Jul 24 Thu 2008 09:57
福娃Beku
你睇Beku嚟張相似唔似奧運福娃歡歡呢？ D頭髮一樣係豎起晒，好攪笑！ Beku初初出世額頭D頭髮（胎毛）好濃密架，不過而家呢就甩咗好多，所以看到髮線向後，而後面未甩嘅頭髮又繼續生長，仲一條條豎起晒，完全唔洗用hair gel呀！
- Jul 24 Thu 2008 08:56
掃風可愛樣
嚟張係老公幫Beku掃風時照嘅相，個樣好鬼得意，眼仔碌碌咁，不過嚟個樣唔會keep好耐，因為當掃多兩吓風，掃到好鬼舒服時，佢就會睡著覺架啦。
- Jul 22 Tue 2008 08:56
自由三小時
自生完Beku之後，個人成日都流好多汗，攪到成日都好似做完苦力咁，成身臭汗味。早排好似有幾日好D架，唔知點解嚟排瞓覺時成日出汗，有時D汗好似係咸，有時就係淡汗（出淡汗一定係身體虛所致），所以，都係要睇下中醫調一調先得。
上星期五，我就叫阿媽早D過嚟照顧Beku，咁我就去睇中醫，好在，中醫師打完脈之後，話我身體係虛，但虛得黎都仲有D跳動（我唸意思即仲有D氣色掛）， 咁都唔係十分之虛啫！ 不過醫師話我有D熱底，要清一清佢再慢慢調理喎。睇完中醫之後，我沒有即刻回家，而係比自已放鬆一下，去行吓街，減下壓（哈！無錯呀！我留係屋企都有個幾 月了，日日都係照顧Beku，餵奶，泵奶，換片，睇住佢喊，發脾氣．．．）
先先去咗護協買Beku嘅日用品（哈！行街第一件事都唔係睇自已野，而係睇咗個囡D野先），跟住就坐地鐵去咗太古城，以最快嘅速度，買咗兩件大碼衫，一條 產後褲，一個哺乳Bra Bra比自已，唉！係呀！我而家衣柜裏面嘅衫，全部都唔岩著，D褲完全扣唔到鈕，D衫就都著到嘅，但超級貼身羅，雖然生之前好多朋友都話我唔係肥好多，亦 都唔算腫，但原來整個身型都不其然咁升咗起碼一個Size，真係估都唔唔到呀，我而家出街，都係著老公D褲，衫就著返大肚時著嘅衫咋！ 所以，真係要買返幾件大碼衫，唔係遲D返工咪無衫著？？？
- Jul 20 Sun 2008 08:55
塞咗！
係呀！乳線又塞咗！真係好怕，之前試過一次，嘩！痛到飛起，個乳房會有一舊好硬好大舊嘅硬塊，唔小心“high"到都超級痛。最慘係．．．你唔將舊硬塊推 走，問題永遠會存在，痛楚會越黎越痛，問題又會越黎越大，最後可能會變成乳線發炎，要食抗生素，到時就餵唔到奶了，乳房又腫到一舊舊咁，可能要入醫院醫 治，仲煩！
其實點解會塞，主要因為其中一組嘅乳線塞咗，D乳汁唔可以暢通咁流出黎，只要乳線再度暢通的話，乳汁能夠流出，問題就會解決，硬塊亦都會消失。經過上次嘅 經驗後（早幾日試過一次，初初唔知，仲以為粒硬塊係乳房內的組織，所以都無麥點理，點知硬塊越黎越大先知道係乳線塞咗），今次當我一感覺到有硬塊後，我就 係泵奶時係咁推走粒硬塊，希望盡快令乳線通番，咪以為推吓推吓唔痛，感覺就好似係傷口上灑鹽咁，痛上加痛，但係都無辦法，你唔忍受吓黎種痛，如果乳線通唔 番，之後嘅痛楚將會更厲害，更痛苦 。雖然我都好努力推，但都唔係一次就可以令塞咗嘅乳線暢通返，我用咗一日多嘅時間去處理，粒硬塊先消失咗，個乳房先無再痛咋！
所以 ，我而家醒目了，每次泵到尾聲時，都會用手推一推乳房的四周，希望盡量將乳房內的乳汁推出，減少再塞的機會！
其實點解會塞，主要因為其中一組嘅乳線塞咗，D乳汁唔可以暢通咁流出黎，只要乳線再度暢通的話，乳汁能夠流出，問題就會解決，硬塊亦都會消失。經過上次嘅 經驗後（早幾日試過一次，初初唔知，仲以為粒硬塊係乳房內的組織，所以都無麥點理，點知硬塊越黎越大先知道係乳線塞咗），今次當我一感覺到有硬塊後，我就 係泵奶時係咁推走粒硬塊，希望盡快令乳線通番，咪以為推吓推吓唔痛，感覺就好似係傷口上灑鹽咁，痛上加痛，但係都無辦法，你唔忍受吓黎種痛，如果乳線通唔 番，之後嘅痛楚將會更厲害，更痛苦 。雖然我都好努力推，但都唔係一次就可以令塞咗嘅乳線暢通返，我用咗一日多嘅時間去處理，粒硬塊先消失咗，個乳房先無再痛咋！
所以 ，我而家醒目了，每次泵到尾聲時，都會用手推一推乳房的四周，希望盡量將乳房內的乳汁推出，減少再塞的機會！
- Jul 17 Thu 2008 08:54
面上的粒粒
Beku出世無幾耐，面上便開始長粒粒，成因有說是胎毒，又有說是因為我食得太燥所以攪到BB面上都長粒粒，健康院的姑娘說好多BB都係咁，2－3個月後 就無事了。不過話雖如此，上星期見Beku面上的粒粒有增無減，仲好似越多越多咁，就攪到我地越黎越擔心，尤其老公，成日話我食D野太燥攪到Beku塊面 咁
。哎也！ 我都唔想架，我見到佢生咗咁多粒粒都唔安樂架嘛。- Jul 13 Sun 2008 23:51
S 型睡姿
又托住頭仔睡，又睡到個身S型咁，唔知佢幾時識轉身呢？
- Jul 12 Sat 2008 21:48
餵奶
之前同朋友講過，Beku食奶好快，好快可以食晒支奶，但．．．BB囡都係唔讚得，自從係朋友面前講過之後，佢就再無食得咁乖，而且成日食到一半就手舞足 動，好似係到打功夫咁，跟住就喊晒口，但你話佢唔想食咩？ 又唔係，當我攞走個奶樽時，佢又會喊住咁追個奶樽，所以都唔知佢想點？
最近，發覺佢應該係有風所以先有咁既行為，姑娘就教我地係餐奶食到一半時就幫佢掃風！ 我地有照做，咁掃咗係好D，但唔知係咪掃得太舒服，好多時掃完風之後，Beku就打瞌睡，之後就無晒食奶癮，就算叫得醒佢，都唔可以幫我飲晒支奶，所以， 而家餐餐都有奶淨！食量仲好似比之前少咗D添！ 雖然好似食少咗，但餵奶時間係有增無減，有時一餐奶真係比佢舞咗成粒鐘呀 ！ 嚟幾日仲離譜，差不多每一個鐘頭一餐，每次同我食20-70ml不等，真係比佢激死！
真係唔知有麥方法可以令佢食多D？ 同埋食得暢順D？ 有時見到佢食淨D奶真係覺得幾浪廢，話晒D奶奶得多不易，為咗生產更多媽媽奶，我要定時定候搾出來，對手都攪到又腫又痛，對咪咪都試過比我攪到傷咗，D傷痕仲未退．．． 唉！
最近，發覺佢應該係有風所以先有咁既行為，姑娘就教我地係餐奶食到一半時就幫佢掃風！ 我地有照做，咁掃咗係好D，但唔知係咪掃得太舒服，好多時掃完風之後，Beku就打瞌睡，之後就無晒食奶癮，就算叫得醒佢，都唔可以幫我飲晒支奶，所以， 而家餐餐都有奶淨！食量仲好似比之前少咗D添！ 雖然好似食少咗，但餵奶時間係有增無減，有時一餐奶真係比佢舞咗成粒鐘呀 ！ 嚟幾日仲離譜，差不多每一個鐘頭一餐，每次同我食20-70ml不等，真係比佢激死！
真係唔知有麥方法可以令佢食多D？ 同埋食得暢順D？ 有時見到佢食淨D奶真係覺得幾浪廢，話晒D奶奶得多不易，為咗生產更多媽媽奶，我要定時定候搾出來，對手都攪到又腫又痛，對咪咪都試過比我攪到傷咗，D傷痕仲未退．．． 唉！
- Jul 11 Fri 2008 07:47
不經不覺
不經不覺，Beku已經滿月了，不經不覺，Beku已經由6.6磅，變成9.1磅了！
日日見住Beku，真係唔覺佢重咗咁多，見佢個體型又好似無麥特別大咗，仲怕我D奶奶唔夠營養攪到佢唔識大，好在！ 都重咗2磅幾，姑娘仲話增咗1kg好理想（正常係0.5kg)。唔怪之得果日抱完Beku去健康院後，對手臂都痺晒啦！
仲有一樣野就係，不經不覺，Beku 頭上嘅胎毛已經甩咗好多啦，尤其是前額果D，睇起黎而家個額頭好高，仲有D髮線向後Feel添！ 真係有D擔心，希望佢D頭髮快D生返出黎啦！ 仲有呀，之前頭髮摭住咗唔多覺，而家係好容易見到佢個“腦荀“係未生埋架，係到跳吓跳吓，攪到我都唔敢再摸佢個頭仔了。
- Jul 09 Wed 2008 13:58
BB打針時間表
每次睇見D打針時間表都睇到我頭痕，又5合1，又6合1，又麥野輪狀病毒，又肺炎咁，攪到我一頭煙，尤其是5合1＆6合1，我初初成日以為一係打5合1，一係6合1，後來問下朋友先知，原來可以撈埋一齊打的（即有時打5合1，有時打6合1），真係唸起都煩呀。
雖然坊間有好多打針表可供參考，但唔知點解我睇極都睇唔明，最緊要係，都唔知邊D係政府包？邊D係要自己出去打？ 後來朋友幫手做咗個表比我，睇完之後真係清楚好多，起碼我知道邊幾支針係去政府打，邊幾支係出去私家診所到打嘛。
Beku尋日去咗健康院打乙型肝炎（第2針），老公問過人話嚟支針副作用不大，但唔知點解，由尋日到今日，Beku勁扭計，一放低落床就喊，抱住又無啦啦喊，又差唔多一個鐘食一次奶，攪到我真係無停手呀。
雖然坊間有好多打針表可供參考，但唔知點解我睇極都睇唔明，最緊要係，都唔知邊D係政府包？邊D係要自己出去打？ 後來朋友幫手做咗個表比我，睇完之後真係清楚好多，起碼我知道邊幾支針係去政府打，邊幾支係出去私家診所到打嘛。
Beku尋日去咗健康院打乙型肝炎（第2針），老公問過人話嚟支針副作用不大，但唔知點解，由尋日到今日，Beku勁扭計，一放低落床就喊，抱住又無啦啦喊，又差唔多一個鐘食一次奶，攪到我真係無停手呀。
- Jul 02 Wed 2008 16:29
Super BabyGirl
- Jun 30 Mon 2008 16:49
精神緊張
自從小Beku 的出現後，就把我們的生活打亂了！ 尤其是這幾個星期，每天都為Beku的大小事情而粗心，自己根本沒有時間去處理其他事情，幸好老公請了三星期假陪我＋幫忙照顧小Beku，不然我一定有產後抑鬱症。（當然，還得多謝媽媽及奶奶過來幫手）
不過老實講，照顧小BB其實都有點壓力，始終我們都未處理過（玩朋友的小BB就多），所以很多事都會變得好緊張，好怕自已處理唔好會令到小Beku受傷 害，好像晚上，我們都不敢一齊瞓覺，點都要有一個人當值，看看小Beku在半夜有沒有異樣（最怕是嘔奶哽親．．．）加上餵人奶，每個半至兩小時一次，攪到 我地嘅睡眠時間真係得好少好少，有時，最多只可以在午間抽時間小睡片刻。所以，精神壓力真係幾大。
記得自從有一次，我在半夢半醒之間，拿著冷氣被當成包著Beku的包被，打開包被總是找不到Beku的臉，跟著我就大叫老公過來看看，仲同佢講Beku唔 見咗！！！ 點知，老公望了我一眼，覺得很奇怪，明明他在嬰兒床那邊看著Beku瞓緊覺，點解我會話Beku唔見咗？ 原來．．．我把冷氣被當成包著Beku的包被，即時被老公取笑我！
不過老實講，照顧小BB其實都有點壓力，始終我們都未處理過（玩朋友的小BB就多），所以很多事都會變得好緊張，好怕自已處理唔好會令到小Beku受傷 害，好像晚上，我們都不敢一齊瞓覺，點都要有一個人當值，看看小Beku在半夜有沒有異樣（最怕是嘔奶哽親．．．）加上餵人奶，每個半至兩小時一次，攪到 我地嘅睡眠時間真係得好少好少，有時，最多只可以在午間抽時間小睡片刻。所以，精神壓力真係幾大。
記得自從有一次，我在半夢半醒之間，拿著冷氣被當成包著Beku的包被，打開包被總是找不到Beku的臉，跟著我就大叫老公過來看看，仲同佢講Beku唔 見咗！！！ 點知，老公望了我一眼，覺得很奇怪，明明他在嬰兒床那邊看著Beku瞓緊覺，點解我會話Beku唔見咗？ 原來．．．我把冷氣被當成包著Beku的包被，即時被老公取笑我！
- Jun 28 Sat 2008 14:20
9999
6月19日，Beku做了一件媽媽都未做過的事情，就是致電給999熱線！
那天早上當我正準備Beku的午餐時，Beku就拿起放在梳化上的無線電話不斷按Speaker及其他按鈕，最後竟然給她按了9999並打出，電話當然被接到999熱線啦，幸好電話是按了擴音功能（Speaker)，我才聽得到接線小姐的說話，不然，我不知道她打去999，而她又拿著電話不作聲的話，接線小姐一定懷疑／擔心而找警察來我家了解一下，那就就真的浪廢了納稅人的錢了！
其實我也很少給她玩電話，始終有電波不是太好，但有時給她看到電話又被她拿到的話，就會給她玩一會兒，但總沒想過她真的會撥打至999。所以，自此之後，每次給她玩時，我總會把電話上鎖，以防事件再一次重演。
- Jun 26 Thu 2008 18:04
瞓得招積
將兩隻手放在後腦瞓覺，嚟個恣態真係招積，好似去咗沙灘晒太陽咁。真係無咁到只有十幾日人仔嘅Beku會有咁嘅睡恣呀。不過，又幾得意！！
- Jun 26 Thu 2008 03:04
屋企最多嘅野係麥東東？
你地估吓，而家我屋企最多嘅野係麥東東？ 哈哈！ 答案係 => 屎尿片！！！
以前聽人講，初生BB一日約8－10條片就OK，但Beku一日用嘅片片可以接近20條，無錯！ 係約20條，有數得計：
每次餵奶奶前檢查，都一定有尿尿，而且份量都不少（聽說如果BB食得飽，一天最少有6條尿濕片就是正常，即BB食得飽）咁一日餵成11－13餐，即起碼無咗11-13條片。
以前聽人講，初生BB一日約8－10條片就OK，但Beku一日用嘅片片可以接近20條，無錯！ 係約20條，有數得計：
每次餵奶奶前檢查，都一定有尿尿，而且份量都不少（聽說如果BB食得飽，一天最少有6條尿濕片就是正常，即BB食得飽）咁一日餵成11－13餐，即起碼無咗11-13條片。
My life with BeKu (3)
