Travel 。CaKe

尋日中秋節，船生本來說晚上要返公司當值，所以晚上九點多就離開屋企，但... ...  原來他靜雞雞叫細佬女友教佢整餅，半夜一返來就叫醒我起身收禮物！真係十分驚喜！老實講，我地好多年都無因為生日而攪過D麥野特別慶祝了，尤其是生完Beku 之後，所以什麼什麼紀念日呀，生日呀全部都變得一切從簡。你地可能會覺得整一個生日蛋糕有麥咁驚喜！嘩！要一個從來就好少入廚房嘅硬漢子入廚房，仲要整蛋糕喎！仲要整得好好味！真係好難得 ！（在此都要鳴謝Michelle的幫助！）

雖然半夜已經收到這份禮物，但我地無即刻食，留返朝早等Beku起身先一齊唱生日歌一齊食（Beku最鍾意唱生日歌），當然仲要影吓相留意啦！船生話本來想做朱古力慕思餅的，不過我們一家三口都病，所以就改了做這個天使蛋糕！其實做天使蛋糕仲好，因為朱古力慕思的話我們也不會給Beku吃，這個少少忌廉加好香蛋味的蛋糕底，真的好岩我們一起吃！連Beku都話好好味，仲讚爸爸叻仔整蛋糕添！哈哈！



記得拍拖嘅時候，每次船生想制造驚喜，靜雞雞來接我放工都會碰釘的，不是我準時收工而他又遲咗少少，就是我要OT他就呆居居係樓下等我等到無癮！今次... ... 都算是一個成功的驚喜！因為我真係以為佢去咗返工架！你知啦，大時大節佢要返工真係唔出奇㗎嘛！但原來佢係呃鬼我嘅！我問船生：“你除咗呃我尋晚返工之外，仲有無野呃我架？“ 佢話無喎！真係無先好呀！我要嘅生活好簡單，一家人開開心心齊齊整整便已足夠了！

所以，今年的中秋節沒有帶Beku去玩花燈，今日生日本來有的豐富節目，都一一取消，生日飯沒有吃，只在家煮了清淡的飯菜，晚上本來要出席的喜宴也只有船生一人出席，真是可惜！

Beku已經病了一星期有多，而我和船生都相繼生病了，希望我們一家三口快點康復！最緊要妹妹無事，唔好被傳染！
上週二 (14/9) － 鼻邊有少少濕濕，開始有流鼻水的癥狀。
上週三(15/9) － 右邊鼻流鼻水。
上週四(16/9) － 左邊鼻流鼻水+發燒（最高是38.2度）。
上週五(17/9) － 無發燒，仲有少少鼻水。
上週六(18/9) － 午睡後開始食麥嘔麥，嘔咗三次之後叫旋生帶她去睇醫生，醫生說感冒菌入腸喎！已經流咗鼻水又退咗燒，而家應該係尾聲了（點解尾聲好似仲嚴重過之前咁嘅？）食咗止嘔葯都無用，連D葯都嘔返出嚟。（全日換咗兩次床單，抹咗兩次廁所，我身心都累到嘔！）
上週日(19/9) － 全日食咗兩次止嘔葯，無嘔了，但疴咗3次，第二及三次都是很流質的，應該是疴緊D菌出來，開始放心了！不過她的胃口很差，整天也呆呆的。
週一(20/9)－以為佢無事，所以昨晚瞓前無比佢食止嘔葯，今早都無食就比佢飲咗支奶，點知飲完無耐就嘔返成支奶出來！跟住整個上午都呆呆地，係午睡起來先有返少少喜色！
週二(21/9) － 精神了很多，沒有嘔吐，便便也不算太“難“。反而我就開始作病，Wing Wing 吓終於嘔咗一次勁野，連昨晚的菜都未消化！船生就勁疴！
週三(22/9) － 我無嘔啦，但個頭仲Wing Wing 地，船生就仍然疴得好勁！Beku無事啦！好好多！有精神玩，但今天的便便又變得好稀！胃口都未完全恢復！
週四(23/9) － Beku好似無晒事！無嘔，便便已經有條狀出現！有精神玩，講笑，胃口都恢復了一半！不過都不敢比佢吃得太刺激！一切都是清淡清淡再清淡！