Travel 。CaKe

Beku出世無幾耐，面上便開始長粒粒，成因有說是胎毒，又有說是因為我食得太燥所以攪到BB面上都長粒粒，健康院的姑娘說好多BB都係咁，2－3個月後就無事了。不過話雖如此，上星期見Beku面上的粒粒有增無減，仲好似越多越多咁，就攪到我地越黎越擔心，尤其老公，成日話我食D野太燥攪到Beku塊面咁 。哎也！ 我都唔想架，我見到佢生咗咁多粒粒都唔安樂架嘛。

跟住上網搵資料，有人教用金銀花煲水比BB沖涼及抹面都可以清去粒粒及痱子。考慮咗幾日，這個方法是外用的，試試無妨吧！所以早幾日就叫老公去葯材舖買咗幾蚊金銀花返嚟煲水試下，連續試咗2日，感覺Beku額頭的粒粒真係開始散，黎兩日再睇，真係好似少咗好多咁，塊面都滑返好多啦，咁我都安心D，我地唸住如果金銀花都唔得的話，下一次會試下飲開奶茶 （朋友教路，飲完之後D粒粒就即刻清晒同塊面都會白番晒，每星期一次，每次約飲20ml就可以，無事就唔好再飲），不過其實我都想試下比Beku飲開奶茶，因為佢而家每次飲嘅奶量都唔多，姑娘叫我試吓比120ml佢飲，但佢次次都只係飲70-90ml，好難得先飲到100ml，所以如果再係飲咁少，體重又增加得唔理想的話，我真係要試下煲開奶茶先得！