Travel 。CaKe

就係為咗嚟味餸, 攪到今晚個廚房沙塵滾滾呀~~~  連食飯嘅小几枱都係呀!!! 不過唔好睇少上面嚟d沙, 就係有咗佢我先可以整到嚟個餸,  個餸亦都係靠佢, 味道先咁突出. 大家估唔估到d沙入面有D麥野呢???

開估之前, 想講下我第一次係邊到食嚟個餸, 就係上年係北海道美瑛的民宿內, 由民宿主人準備的晚餐. 記得果晚食完個沙律飲完個湯之後, 都等左好耐先上黎個主菜, 端上桌時, 真係唔知黎個餸係麥野黎? 因為整個餸都被"有料麵包糠"包住. 但當你揭開D麵包糠後, 你就會發覺, 今便有一塊又嫩又滑的雞扒等緊你... 食呀!!!  自從果次食完之後, 我對黎個餸就好深刻! 今晚... 終於有機會煮到啦, 不過我沒有用雞扒, 而改用了魚柳, 味道一樣OK. 

材料 : 魚柳, 麵包糠, 蒜蓉, 胡椒粉, 鹽, 香草

做法 :
1. 魚柳解涷後, 用油, 胡椒粉, 鹽調味.
2. 將麵包糠, 蒜蓉, 胡椒粉, 鹽及香草放在碗內攪勻 (由於麵包糠加入了其他材料, 所以我稱之為"有料麵包糠")
3. 魚柳切件, 煎至半熟後, 一塊塊平放在碟內, 然後把 "有料麵包糠" 平均舖在魚柳上, 覆蓋整條魚柳. 
4. 焗爐先以200度預熱後, 把魚柳放入焗約15分鐘便可.

你問我黎個餸叫麥野名我真係唔知, 不如就等我幫佢改個名, 叫做"沙塵魚柳"啦!!! 哈哈!!!