Travel 。CaKe

前晚真係好驚，因為Beku 半夜瞓瞓吓，竟然趴咗係到瞓！！！

話說淩晨４點多，Beku突然之間喊得好大聲，咁我就起身睇吓佢啦，噢！原來佢反轉咗趴咗係張床到，唔識得反番轉頭，所以用喊聲嚟救命！我見狀就梗係立即反番轉佢！Beku好快瞓返！

醒咗之後，其實我都瞓得唔好，因為都好怕Beku又再反轉，怕佢透唔到氣咪會窒息而死？不過，其實４點幾果次Beku反轉咗都識用喊聲叫醒我地，幫佢反番轉呃，咁如果之後再反轉咗，佢都應該會叫我地架！再加上我地有個baby monitor，touchwood部機探測唔到心跳，即刻會響alarm，其實都唔需要擔心，不過唔知點解，點都係個心有d囉囉攣！

誰不知！我係張床“典”到６點鬧鐘響嘅時候起床，行到去Beku床尾時見到佢“成個人趴咗係到瞓”　（點解今次佢唔喊嘅？唔求救嘅？），仲要個頭壓住塊面嚟瞓，咁真係未必透到氣喎！我即刻將佢反轉平瞓啦！好在Beku仲郁，唔係真係嚇死我呀！