有時同Beku傾偈,我都會“借D而“提下妹妹,等佢慢慢習慣吓我地嚟個家,除了爸爸媽媽之外,還有妹妹的。老實講,對於“妹妹“這個角色,暫時來說Beku都沒有反感,反而很喜歡呢,有時就算我們沒有提及妹妹二字,Beku都會自動自覺提起她,好似有時會望吓我個肚就叫我:“開蓋蓋睇妹妹“(即係叫我拉高件衫比佢睇下我個肚皮); 有時聽音樂跳舞,會同我講:“細聲D呀,妹妹覺覺跟。“ ; 有時又會無啦啦好大聲咁對住我個肚講:“妹妹起身... 玩!“; 有時飲飲吓奶,又會比支奶我,叫我比妹妹飲喎。所以暫時來說,Beku都好接受妹妹BB的來臨,但係 .. ... 到妹妹出世後,情況係點,就真係未知之數了。

不過,起碼Beku這一刻係接受嘅,到妹妹出世後,再慢慢引導她,我唸問題應該不大掛,最緊要係妹妹出世後,爸爸媽媽都一樣會照顧佢,愛佢,同佢玩,再加上可以同媽媽一齊照顧妹妹,發揮大姐姐精神(尤其是Beku現正踏入扮大人階段,樣樣都要做樣樣都要幫手),應該可以順利過渡掛!


arrow
arrow
    全站熱搜

    travelcake 發表在 痞客邦 留言(1) 人氣()