Travel 。CaKe

Beku已經戒掉啜手指的壞習慣了！！！真的要讚一讚她叻女！

之前我們試了很多方法都不能令Beku戒掉這個壞習慣，本來我也好擔心會戒不掉，心想只要Beku可以在入學前（返K1)戒掉就已經很滿足，因為學校太多菌，而我又不會在其身邊觀察，不可以一看見她啜手指就制止她又或幫她抹手指。誰不知就因為爸爸的一番說話，竟然令這位小妹妹開竅，開始戒啜手指！

記得大約我陀住妹妹第36週（9個月）的時候，有天我們去太興食個Brunch! Beku又是周圍摸周圍摸，突然周公急Call之下想啜手指，我們立即制止她，然後爸爸就平心靜氣地跟Beku說：「Beku，你睇吓你隻手指啜到起晒繭好醜醜呀！」跟住Beku就扁晒咀好似受委屈咁想喊！爸爸繼續說：「你自己睇吓隔鄰無啜嘅手指，係咪白白淨淨靚好多呀？如果你再啜落去，隻手指仔會難添呀！唔好再啜啦！咁手指仔就會慢慢好慢慢好！好快可以好似無啜果隻手指仔咁靜架啦！」

Beku聽完之後唸咗一唸，好似好明白咁，仲答應話唔啜手指，跟住返到屋企午睡時，明顯地看見她想放手指入口啜，但啜了兩吓就停止，把手指仔放返出來，這個動作重複了幾次，最後在抱著Kitty公仔左典右典之下終於瞓咗，之後2-3日都保持著這種“想啜又唔想啜“的心情，不過一個星期後就已經沒有了，上床後只會左典右典尋找睡意，再也沒有放手指入口了。

我覺得今次的戒啜手指行動進行的很成功！最大功勞都是Beku自己，要不是她決心戒掉，就算我們用什麼方法也是沒用的！想不到平時不愛戴頭飾扮靚靚的Beku，竟然也會因為一個“靚“字而戒啜手指！女仔始終是女仔，都是貪靚的！