尋晚好開心, 公司請食聖誕大餐, 以往我地都係在香港富豪慶祝(因為半折之後好鬼平), 但食左兩年, 覺得味道越來越唔好味, 所以今年決定唔再去香港富豪. 原本公司既Budget唔夠我地去香格里拉架, 不過因為阿頭包底, 我地先有機會去咋.

老實講, 要我比成四百蚊去食一餐自助餐我真係唔捨得. 如果唔係公司請, 我真係唸都唔會唸黎香格里拉食. 不過, 黎個世界又真係有好多有錢人, 雖然黎到咁貴, 但... 竟然一個月前已經full左, 我地只係waiting list咁好彩有位比我地咋. 真係誇張.

雖然價錢貴, 但水準確實比出面二三百蚊一位的自助餐為高. 食材新鮮, 款式選擇也算不少. 頭盤有沙律吧(唔好以為沙律吧很普通, 它竟然有泰式青木瓜沙律, 還有凱撒沙律拼柏爾瑪火腿)及海鮮冷盤(涷蟹, 涷蝦及海水味勁濃的生蠔); 主菜更加分日式(魚生, 壽司, 冷麵), 中式(點心,燉湯, 燒味, 乳豬, 車仔麵), 西式 (魚柳, 超嫩鐵板牛扒, 豬肋骨, 羊架), 印式 (印度咖喱, 胡椒餅, 春卷); 甜品 (不同味道的慕思蛋糕, 生果批, 小西餅, 班戟, 雪糕, 新鮮生果...), 應有盡有.

一般自助餐, 魚生部都會很吝嗇, 每人只會限定取1-2片魚生, 但這裏卻不同, 你只要同師傅講你要邊款魚生(三文魚, 吞拿魚, 劍魚, 甜蝦, 八爪魚, 北寄貝), 佢便會每款給你很多很多, 冒求用魚生來填滿你的餐碟, 我計一計, 我唸我都食左不少於20隻甜蝦, 15片北寄貝, 10片八爪魚及數片三文魚刺身.  係咪聽到都有D飽肚呢??? 



不過, 全場最吸引我的, 係我既至愛.... DeSSert. 嘩!!! 我一入到餐廳, 第一時間唔係去睇其他既熱葷, 而係圍住甜品區走了一轉又一轉, 大部份的甜品都是我的至愛, 而且賣相都很吸引. 而我更加係其他人仲品嚐緊熱葷/魚生既時候, 已經進佔甜品區. 大大話話試了十數件甜品(有些跟同事分享), 它的味道比起美心好味上百倍, 感覺沒有偷工減料, 尤其這個朱古力慕思蛋糕, 香濃的朱古力味慕思, 表面及中間都夾著一層軟朱古力, 入口即溶, 完全覺得自己係食緊朱古力, 而唔係蛋糕, 再加上表面的金箔, 非常貴氣. 我真係想知佢點整架? 可以整得咁滑咁香濃. 除左朱古力慕思外, 還有士多啤梨慕思, 芒果批, 紅豆抹茶慕思蛋糕 草莓吉士蛋糕... 每一件蛋糕味道適中, 很岩香港人口味.

尋晚真係好豐富, 我唸我真係未試過, 食到個胃腩大過肚腩架... 食完真係有D驚, 為了黎次Buffet, 唔知要做返幾多次GYM先可以減磅呢???

arrow
arrow
    全站熱搜

    travelcake 發表在 痞客邦 留言(14) 人氣()