Travel 。CaKe

尋晚發了一個好奇怪嘅夢！！！ 我夢見我去咗醫院生咗Beku出嚟喎！！！

成個Story唔記得了，總之唔知點解老公陪我入咗院，咁係個待產房做檢查，初初姑娘仲話：“等吓啦，無咁快，你痛先叫我啦，起碼開到三度先幫到你。“ 咁我就同老公係到等啦，睇吓幾時個肚開始痛。好攪笑，做檢查個地方除了我，仲有另一個孕婦係到做檢查，而且大家都有老公陪住喎  （做緊檢查唔係只可以一pair人係到之咩？ 點解會有兩Pair 嘅？）

好啦！開始感覺到個肚有D痛，咁就叫姑娘嚟啦，姑娘一嚟到，我已感覺疴咗少少野出嚟，原來係Beku隻手呀！ 跟住姑娘幫我檢查，睇吓我嘅進度，跟住都係話：“等吓啦，開夠十度就生得架啦！“。咁我又只可以係咁等，跟住突然之間，又感覺疴咗D野出嚟，原來．．． 小Beku出世啦！！！  

跟住我最記得係姑娘攞走咗Beku去沖身，咁醫生就要幫我聯針啦！ 我好大反應同醫生講：“唔好就咁聯呀，一定要用麻醉葯麻醉葯！！！“。醫生好唔耐煩咁幫我打麻醉葯再幫我聯針，感覺好似真係唔痛喎！！！ 跟住．．．我就醒咗了！！！

唔知係咪日有所思，夜有所夢呢？ 我唸我真係好怕痛，所以死都要叫醫生落麻醉葯！ 不過Beku千祈唔好手仔出先呀，咁樣好危險架！