目前分類:懷孕心情 (78)

瀏覽方式: 標題列表 簡短摘要


今胎陀妹妹,發覺她很喜歡在左邊活動,每次強烈的胎動都機乎出現於我的左肚皮,就連我的睡姿也一樣,記得上胎陀Beku時,我是喜歡右側睡的(平躺及左側睡都不舒服),今胎反而喜歡了左側睡。 所以有些人說得對,每次陀B的反應都會不一樣的!想一想也是呀!

~ 上一胎,約12週左右已經有宮縮的情況,基本上整個懷孕過程都有出現!今胎呢,好像大約在6-7個月時才開始有宮縮的情況。

travelcake 發表在 痞客邦 PIXNET 留言(1) 人氣()

兩年前,Beku是在39weeks4days的時候出世的,初初會想妹妹會否也是在這個時候出世呢? 結果... ... 今天什麼動靜也沒有,離預產期還有3日,真的有點緊張,船生說6月28日(預產期)出世也不錯,628好意頭喎! (真迷信,不過兩年前他也說如果Beku在8號出世也好,結果Beku真的在8號出世) 不過,妹妹幾時想出來跟我們見面,真的只有天知了! 現在我什麼都做不了,唯有平常心地等。



travelcake 發表在 痞客邦 PIXNET 留言(10) 人氣()

今朝淩晨發生了一次假陣痛的經驗!

大約淩晨三時左右,個下腹突然好痛好痛,好似M痛又好似肚疴痛咁,成對腳都酸軟晒無力,左瞓又唔得右瞓又唔得,試下去廁所睇吓係咪肚疴但又唔係喎!跟住唸會唔會係陣痛呢?不過佢嘅痛又唔係幾分鐘一次,係Keep住咁痛,最多中間停1分鐘咁又痛過,又唔似有規律性,所以雖然係痛,但我估又唔係陣痛果隻痛。不過老實講,上次我嘅規律性陣痛係來自催生針,所以我真係唔清楚自然性嘅陣痛會係點,所以果一刻都好慌,唔知入唔入醫院好?唔知叫唔叫阿媽來好?

到咗大約5 點,頂唔住叫醒船生話佢知,不過其實都無用,因為佢都幫唔到我,只係多個人傾吓分擔吓。後來唸住痛多一陣都唔得就叫阿媽嚟,跟住我就入醫院架啦!點知突然之間,由大痛變成少痛跟住我就瞓著咗,到大約7點起床的時候,個下腹都有D痛但已經無之前咁痛,而且無痛得咁密,大約係半小時痛一次。到咗8:30am左右,就打比阿媽叫佢過嚟先,睇吓到時情況我要唔要入院。

travelcake 發表在 痞客邦 PIXNET 留言(3) 人氣()



不經不覺已經陀住妹妹39週了,約在37週時還以為今胎會早產(因為當時有很多令人擔心的先兆)或要提早催生,當時真的很怕早出世的妹妹太輕磅或健康上會有什麼問題。估不到日子一天一天的過去,今天已經是第39週了!

travelcake 發表在 痞客邦 PIXNET 留言(9) 人氣()

其實未到9個月已經有剪髮的念頭,因為整個懷孕過程都沒有剪過髮,基本上個髮型都無麥「形」了,似一扎草多d(我頭髮多又厚)。但我又怕太早剪,未到坐月已經長番晒!到時兩頭唔到岸仲麻煩!

所以一踏入36週(9個月)我就急不及待去剪髮了!髮型師問我想點剪?我話無Idea總之就剪短!最後就Copy咗佢個新髮型,一個對我來講除了小學時期試過咁短,之後都未試過嘅短髮,不過出來的效果又幾好睇喎!我都幾滿意!

不過,最近有朋友話:「你個髮型短得幾好喎,但嚟d短髮要成日Keep住剪先好睇喎!會唔會未坐月已經無咗個形?」佢唔講我都無唸過喎!不過唔唸咁多住啦,總之剪短佢,捱過咗坐月嘅日子先算!要我留住一把又厚又長的頭髮來坐月,我一定會忟死!

travelcake 發表在 痞客邦 PIXNET 留言(1) 人氣()

今日終於返去東區照U/S了,結果跟34週時在私家照的差不多,大致上都是細了個多至兩個星期,而家37週重2445g,普遍來說都是細碼b,醫生嘅態度覺得細碼b沒什麼特別,只是比同期的BB細了些少,只要在肚內有成長,環境安全便可以,真的有問題才安排催生,說我已經37週,足月催生也沒問題。最後安排上日間病房聽半小時BB心跳了解一下,及安排我一星期後返去覆診。

上到日間病房駁機聽bb心跳,起初的半小時,BB心跳超標了,整個過程都Over160有時甚至有180(謢士說正常心跳是介乎110-160之間),嚇得她也連忙幫我量體溫及Call醫生來,之後叫我轉一轉姿勢再聽多30分鐘,這一趟首10分鐘心跳率依然是超標的,隨後我也不知是因為護士用了另一個儀器在我的肚皮上震了兩吓的原因?還是我把原先伸直的雙腳屈曲起來?突然間bb的心跳就回復正常水平,約在140-160之間。當醫生到來的時候,她看了看報告就說:「幾好呃,不是好高啫,之前高可能是BB郁動所致,晏d再返來駁多次機聽多次,無事就無事了!」

之後我返了家休息一會,六點又返回東區再Check過,這次的結果看起來正常很多,聽了半小時BB心跳的比率大多介乎140-160之間,只有數次維持1-5秒是Over160的記錄,問了護士她說沒問題,今次的結果正常很多,應該沒問題,但也要求我留電話號碼,以便晩上醫生看報告時,如果有什麼問題也可以打比我跟進(So Far現在都沒有打比我,應該沒事吧!)

travelcake 發表在 痞客邦 PIXNET 留言(7) 人氣()

上胎都無肚皮紋出現,估唔到今胎... ...個肚竟然係勁爆!!!我都係今日先發現(之前以為只係近肚臍位有幾條,今日見陽光好,用鏡子照一照肚皮,真係嚇c我!)已經有搽肚紋羔都無用,可能今次個肚實在比上次大好多,今日用軟尺度已經有42.2吋,上次到生嘅時候都好似無咁勁!

上星期去私家醫生到覆診,佢先至話妹妹係細碼B(仲要細多於兩星期,叫我要話比健康院知,睇下佢地會唔會做check up),但點解今次我會肥過上次,個肚又大個上次架呢?難度真係肥晒係我到?生完嚟胎之後,真係要好好Keep吓,如果唔係,真係變咗肥c奶點算?

唉!不過嚟d都係後話,最緊要都係妹妹健健康康,順順利利咁出世!雖然話距離預產期仲有一個月時間,隨時都生得,不過,都係果句,一日未生,一日都未放心的!

travelcake 發表在 痞客邦 PIXNET 留言(5) 人氣()

未懷第二胎前都不會覺得自己好“勇”,但自從嘔咗3個月之後就真係覺得自己“勇”!!!其實第一胎都嘔得好勁,但點解我從來無唸過第二胎都會一樣呢?或者會更嚴重呢?我唸係因為自問生完Beku 之後都算補得幾好,咁耐都無麥點病過,但原來孕婦嘔吐真係未必關乎體質的,真係人人唔同,次次唔同!

上一胎我講過,嘔吐的那段時間比生產時辛苦!今胎我想情況都是一樣!今胎我嘔到18週多,真的足足3個月,Touchwood除了生產時有什麼意外,否則,對我來說最辛苦的日子已過去!

這段時間,真的辛苦了媽媽,也多得媽媽的照顧及體諒,我才可以捱過;也要多謝船生,雖然他工作很忙抽不了太多時間幫手,不過他也很體諒我的情況,明白我的心情!我最抱歉的是這段時間沒有好好照顧Beku,沒有帶她去公園;沒有陪她玩;也沒有教她什麼;很少影相拍Movie;沒有生活記錄... ...幸好!Beku的表現比我想像中好,雖然也有扭計,但在我最辛苦的那個階段,她好像真的明白我的苦,不會太扭計;不扭我抱;而且在沒有特別教導之下多了講BB話;有時又會做一些古靈精怪的動作來逗我笑,總算很安慰!唯一不好的... ... 就是戒片倒退了,除了便便會告訢我之外,尿尿都撒在尿片上了,唉!要待天氣轉暖時再訓練了!

travelcake 發表在 痞客邦 PIXNET 留言(9) 人氣()

早排嘔到死死下,短時間內跌了10磅體重! 不過,自我開始胃口大開,沒有了嘔吐及無胃口的煩惱後,體重就不斷回升,而且速度驚人!在短短個多月的時間內已經回升了22磅!

今天返健康院覆診,護士說我超標! 2個星期重了1.4kg實在太多了(即3.1磅),要我少吃甜,油炸及零食等高脂肪的食物! 唉!我都想,不過自從嘔完之後,我現在的胃口開了很多,要吃很多東西才覺飽肚,而且過1-2小時又會感到肚子餓! 還有還有最大件事的就是... ... 最近我對煎炸的、甜的、香口的、濃味的及零食都非常有興趣!!!弊弊弊!!!

唉!輕又怕,重又怕!看來我真的要開始調節一下飲食了。

travelcake 發表在 痞客邦 PIXNET 留言(3) 人氣()

是妹妹想跟我開玩笑?還是愚人節真的要有點事情發生才算有意思呢?

今年的愚人節真的很難忘,清晨5點左右,我的右下腹突然好痛,痛得左側右轉都沒用,要坐起來才可以舒緩一點。以為是肚疴之類的事,不過又沒有太多便意,肚子痛得要彎起腰來走路,躺在床上就更痛,最後唯有坐在梳化上休息,坐了差不多一小時才有點舒緩,6點半左右才再回床上睡覺!

醒了之後,疼痛感沒有之前般強烈,不過右下腹總是有一點點扯住痛,加上每次站起來走路總會有宮縮的情況, 總令人有點擔心,船生也叫我入醫院Check Check好!唉!其實我也有點擔心,同時也怕要住醫院,(懷有八個月的鄰居,上幾星期因為胃痛而入院,也要在醫院住上一個晩上觀察,沒事才可以出院)因為船生腰痛無力,只得他一人應付Beku有點吃力,如果我去急症Check Check的話,醫院為安全起見一定會叫我住院觀察的,到時就沒有照顧船生及Beku了!

travelcake 發表在 痞客邦 PIXNET 留言(4) 人氣()

{###_albums/tt167/travelcake2/Wiku/P1490191.flv_###}

好多人都話第二胎會無咁緊張!hum... 我也有同感!雖然也會因擔心而去照Oscar、照結構,照4D,不過坦白說,在生活細節上真的沒有懷Beku時那麼緊張,尤其在飲食方面,上一胎真的戒得很清,朱古力、零食、茶盡量也不吃/喝,但今胎就偶然也會偷食,有時甚至好像上了癮一樣停不了。最近我喜歡上吃雪糕,記得上一胎,真的未夠8個月是不敢吃的,所以這一胎真的放肆了很多!不過海鮮類還是會忍,蟹/龍蝦等真的不敢吃,因為怕吃了之後令妹妹有濕疹之類的問題就麻煩了!

BTW, 回正題! 關於胎動,懷妹妹的第一次胎動好像比Beku時早,不過,感覺上妹妹沒有Beku般活躍,記憶中Beku真的踢得很勁也很用力,妹妹很多時都像“R癢“般,力度很少。不過,當踏入28週的這個星期,妹妹好像突然活躍了,踢得比之前使勁!跟28週前簡直是兩回事,令本來有點擔心的我現在也安心下來。哈哈!我是不是有被虐待狂?非也,只是更實實在在感受到妹妹的存在,更有安全感而已。

travelcake 發表在 痞客邦 PIXNET 留言(4) 人氣()




travelcake 發表在 痞客邦 PIXNET 留言(4) 人氣()

事緣今日去健康院覆診,醫生問我 :“個胎有無郁呀? 有無郁少到?“

我答 :“比之前少D囉。

醫生問:“之前嘅意思係幾耐之前? 幾日?咁郁得勁唔勁?“

我答 :“係羅!比前幾日少DD羅,但都郁得幾勁架!“

travelcake 發表在 痞客邦 PIXNET 留言(0) 人氣()

今朝起身去廁所,摸摸個肚,點解個肚臍唔係唔見咗? 之前明明凸起晒架? 我同老公仲成日攪笑話個肚臍好似成日係到吹口哨咁,好攪笑,點解突然之間變得凹平咗嘅?

之前睇書,話凸肚臍即胎兒背向肚皮,相反,如果肚臍係平的,就等於BB係面向肚皮。加上之前問過2次醫生都confirmed胎兒係背向肚皮,真係令我放心晒,亦令我對順產打了強心針。但係...今朝見到個肚臍凹平咗,成個人Down晒!!! 摸摸肚皮,係呀! Beku嘅身體真係好似偏向左邊,鳴!!!我即刻轉身向返右邊瞓,希望咁耐可以令Beku回復本來位置 (背向肚皮)。

而家個肚臍開始有少少凸返,但係好輕微,希望Beku唔好再大轉身,保持背向肚皮至生就好了!!!

travelcake 發表在 痞客邦 PIXNET 留言(0) 人氣()



部烚奶樽機放在係廳到一段時間,但我一路都無掂過佢,唔知點解,對電器我真係無麥興趣,硬係覺得佢好複雜咁。

travelcake 發表在 痞客邦 PIXNET 留言(0) 人氣()



之前問過朋友,如果想預防BB Pat Pat出紅疹,換片時搽少少凡士林便可,她們還叫我到卓悅買,因為價錢比超市/葯房便宜。不過,唔知點解我行咗2-3間卓悅都唔覺眼有凡士林賣? 唔係知係我行果幾間都唔算大舖,所以貨品總類有限呢???

travelcake 發表在 痞客邦 PIXNET 留言(0) 人氣()



係咪好肥美?睇見都好想食呢??? 我都係咁話

travelcake 發表在 痞客邦 PIXNET 留言(0) 人氣()

  • May 30 Fri 2008 21:04
  • 腳腫

哈哈! 睇咗係咪有D反胃? 無錯,嚟對就係我嘅腳,仲要係晚上的腳,因為晚上對腳比日頭腫得多。早上著鞋Size岩岩好,但到晚上就會有迫的感覺。

問過姑娘,佢話我對腳已經唔算好腫了,正常 (吓? 咁都正常???)有些孕婦水腫得好厲害,直頭連鞋都著唔落(我信,因為我係診所見過一位孕婦,雖然只係著住對拖鞋,但對腳都迫唔入,凸晒後踭出鞋邊)。

我記憶差唔多36週左右開始,唔只對腳會腫,連對手都覺得有D腫,手掌合埋時總係覺得有D迫,脹脹咁。有人話三腫三消代表就快生得! 不過又唔係呃,我有朋友無腫過一樣生咗,所以都不能盡信,我呢!就從來都未消腫過,不過,可以話我嚟D都未算腫,佢地話真係腫嘅話 ,係腫到有點痛的,用唔到力架!所以,都係等吓幾時有陣痛,見紅,穿水,咁就真係生得啦!!!

travelcake 發表在 痞客邦 PIXNET 留言(0) 人氣()

仲有兩日我就開始放產假了,真係好期待。 其實照計今日應該係產假前最後一日返工,但公司想我返埋餘下果兩日,咁整個五月就可以full pay比我,唔洗有幾日又計4/5人工,我初初答應未生的話就無問題(果時我係唸,遲D放都好,橫掂未生得,留多兩日假,等Beku出世後可以多兩日照顧佢仲好!)

初初會唸住如果可以放“前一後九“就仲好,因為可以留返多D時間陪BB嘛。但係原來孕婦嘅體力只會越黎越差,越黎越攰!放“前二“其實已經好辛苦了。

如醫生所講,最後一個月係個胎努力成長嘅時候,所以肚皮特別大得快; 加上子宮為咗生產一刻嘅準備, 每日rehearsal宮縮的次數又比之前多很多(我而家每行幾步,起身坐底,係咁二摸吓個肚...個肚就會硬蹦蹦);有時又有假陣痛嚇吓你;手手腳腳開始有點腫; 尿頻及轉身時恥骨痛令睡眠質素差; 加上我又未病好,加加埋埋攪到個人好似好容易累咁!

travelcake 發表在 痞客邦 PIXNET 留言(0) 人氣()

今日係最後一次返瑪麗照3D,不過,因為Beku已經好大,身體都貼住胎盤,所以照3D並不是太清楚,醫生主力都係以照2D為主。 其實全程醫生都無麥講解,可能見我已經到懷孕後期,要知道的都已知道,所以她只跟著她要研究的地方來照,如:量度頭圍,腳骨長度(其實唔知係咪腳骨,只見醫生照過兩條骨),動靜脈及心跳率等等...

不過最基本嘅資料,醫生都有話我知:

1.BB頭仔已調頭。落咗盤骨未? 落咗D啦 (上次贊育個醫生話落咗一半,咁係咪個胎升返上去呢?)

travelcake 發表在 痞客邦 PIXNET 留言(0) 人氣()

1 234
找更多相關文章與討論