Travel 。CaKe

一早計劃了，如果有母乳的話，都會先選擇以母乳餵哺，但原來，餵母乳的生涯是很辛苦的。尤其是．．．當小Beku第一日喺兒科食飽奶粉後，個胃口已經被整大了，不再像其他初生B一樣，第一天只愛瞓，對仍未上奶的媽媽沒有什麼要求。

餵母乳真係需要很多時間，要坐定定等佢食，如果位置唔岩又會整痛你或整傷你！ 仲有，每次唔知BB究竟食咗幾多？ 所以雖然話每2小時一次，但經驗之談，佢要餓起上來，剛剛食完瞓落床無幾耐，又會喊著扭計，咀郁郁示意要食奶。所以，真係幾唔得閒，只係照顧佢食奶已花去很多時間。

最近，我仲比佢咬損咗！ 所以，這2次沒有再埋食餵，改而泵出來用奶樽給他吃。雖說泵出來多了一層功夫，但老實講，我覺得泵出來，給足夠份量的母乳他吃，他竟然能一瞓便2－3小時，那麼，我的時間更好用，可以慢慢泵奶之餘，又可以有多餘時間去下廁所食吓飯（試過有次煮好飯，因為要埋食餵，最後D飯都涷晒我仲未有得食！） 最緊要是，晚上可以多1－2小時瞓覺，這真是很緊要的！

以前唔知，以為餵母乳跟餵奶粉的時間差不多，原來．．．是完全不同的，難怪D人話餵母乳，媽媽會修身快D啦！