Travel 。CaKe

哈！太忙了，所以現在才updated 19號的BBQ Gathering照片。當日達達在他家屋苑舉行BBQ Gathering，我地當然要帶Beku去玩吓啦，話晒Beku大個女了，開始要多D群體生活，唔可以只痴住阿爸阿媽了！

當日除了Beku之外，還有妹頭 － 妹頭細Beku 5個月，不過體重就跟Beku差不多，是一名大B女，手長腳長，長大後一定是一個高妹！


佢兩個每隔一段時間就會見面架啦！你睇，Beku開始同妹頭溝通了，等妹頭再大D，可以互相溝通時，嚟對姐妹花就可以一齊扮玩一齊扮靚添！


大人就係到BBQ，Beku當然無份食啦，肚餓點算？唯有飲奶奶或吃面包啦！一如以往，飲奶唔乖乖的Beku，飲到最後幾十ml就唔願飲，要拎開樽蓋倒出來先肯飲，成日係到扮大人飲水的樣子，不愛用奶咀。


燒完野食後，我地上咗達達家hea 吓，Beku唔拍醜，著住裙仔都係地下爬來爬去，又係到攪風扇，好曳曳，比人鬧呢，就扮無野，轉頭同姨姨玩“篤手指“，真係名乎其實“一啖砂糖一啖屎“，唔知好嬲定好笑。


後來去玩姨姨個大燈泡，玩玩吓係到啜手指，姨姨唔比，佢就係到狂哭，所有人嘅焦點都放咗係佢到，真係醜死怪了！哈！不過我見到佢嚟個喊樣又覺得好攪笑，個樣好似好慘咁但無眼淚的！唔好話媽媽殘忍，有時真係唔可以太遷就你，因為唔想“愛你變成害你“。