Travel 。CaKe

每次出完街第二日，Beku都會扭扭計，其實很正常的，因為佢每次出街佢都唔願瞓覺，點解？街上咁多野睇，太多新事物，有時又會有人抱吓喎，咁多吸引又點 捨得瞓喎，但係呢，佢個小腦袋又會發出訊息叫佢瞓覺喎，咁係又想玩又想瞓嘅情況下，咁多矛盾，梗係攪到自己又忟憎又燥啦，自自然然就扭我地計啦！

嚟方面實在唔怪得Beku（或所有嘅BB）！大人都有責任！

前日及尋日我地都有飯局，由晏就就開始帶Beku出街，攪到成零晨12點先返到屋企，出街已經瞓得少，仲要攪到咁夜先 返屋企，唔扭計就假了！比著我唔夠瞓脾氣都會燥D啦，所以，尋晚既飯局，Beku已經有D扭計，唔肯一個人瞓車仔，要抱住先唔喊！ 今日梗加唔洗講，兩日無覺好瞓，仲唔勁扭咩！ 所以今日邊到都唔去，留係屋企等佢瞓多D，令佢習慣返自已原來的生活時鐘。

經過嚟兩日之後，我覺得．．．生咗BB後，大人是需要遷就BB嘅生活時鐘，而唔係由BB來遷就我地。 所以，日後我地出街都要調節一吓，唔好去咁夜，同埋，真係唔好連續兩個full day出街，見到Beku積咗兩日唔夠瞓又咁辛苦係咁扭眼瞓，其實我地都唔好受，好心痛！