Travel 。CaKe

尋日上第二堂的產前運動班, 黎堂係教我地點樣放鬆心情及恥骨痛的嚴重性.

萬一有恥骨痛，後果係非常嚴重。 恥骨就是大脾與盤骨之間凸出來的骨，不時我地好少用到，但如果它受傷的話，我們走起路來便會痛，每行一步就好似比針拮咁，痛楚萬分。

懷孕期，我地既筋骨早已為配合生產而變得鬆弛，所以在這段時間，如果動作有所不妥，或做了一些傷害身體的動作的話，如：蹲下，坐矮櫈，單腳站立著褲鞋襪，不必要上落樓梯／斜路，腳部不平均地受力，不正確的拉扯動作等等，都會做成恥骨痛。

朋友教路, 整個懷孕期, 最舒服的日子就是第5,6,7月, 因為害喜的現象減退了, 肚子又未算好大, 又未有周身骨痛等問題. 所以在這個階段去選購BB用品就最啱! 可以先在4-5月時, 多點了解bb用品的項目(bb用品真的五花八門, 一時一刻真的很難清楚每一樣物品的用途, 那些是必需要品,) 然後, 再慢慢於6-7月時續少續少購入. 這樣, 就唔洗係8-9個月腹大便便嘅時候, 仲要去行街夾價, 四出張羅bb用品.

基本上, 衫仔我們是最後才選購, 因為很多朋友也有二手衫提供, 加上BB衫很快不合身, 我地覺得唔需要花太多錢去買衫, 待最後一刻真的不夠著時, 才去買. 反而我們會先買一些衛生用品的 (如: 紗布, 尿墊, 脫脂棉, 床上用品, 浴盤, 洗衣液, 奶瓶清潔液... ..) 因為是必需品 . 

 鳴鳴.... 我五星期之間, 竟然重左15磅呀, 好誇張呀! 醫生都要叫我唔好食咁多

其實上星期去健康院覆診已經發覺自己4星期之間重左10磅, 都覺得唔掂架啦... 點知, 是隔8天再去私家診所上磅, 竟然仲多5磅, 雖然話健康院個磅同私家醫生個磅可能有少少差別, 但點都好, 都係重得太厲害.

照完超聲波後, 醫生仲話 :" BB係中碼size, 910g, 正常, 你重咗果15磅大部份唔係個胎到, 而係你到, oh my god!."

好多人都會問 ：“你會餵母乳嗎？“老實講，有嘅話，梗係想餵啦，一來對BB好D，二來對自已身體都好D，聽講話，修身都快D架。咁好，點會唔餵呀。

好多人都說孕婦最緊要補充鈣及蛋白質, 所以, 自四個月起, 嘔吐情況改善了之後, 每朝早都會為自己做早餐.

一杯熱鮮奶 (*低乳糖奶, 減少胃氣)
一份火腿芝士三文治(烘底香口d ) 及

哈哈! 件衫仔喺細佬喺北海道買返嚟送比Beku的, 係咪Rock 味十足呢??? Beku著咗一定好型女呀!

我要唸下買定D Heavy Metal嘅 Accessory去襯吓先

上星期日參加咗一個母乳講座班. 原來今年真係好多人生bb, 宣傳單寫著名額只限15人, 但當日出席的, 粗略估計也有50人, 係講座裏面, 更加比我撞到兩位朋友, 有一個預產期只係早我一星期咋, 真係"橋"啦! 

其實未聽講座前, 真係對餵母乳一知半解, 點餵?唔識. 食幾多?唔識. D輔助儀器點用? 都唔識... 不過聽完之後, 就開始有點了解...

經過三位餵哺母乳達1-2年的媽媽分享後, 她們一致認為"無可能話無奶的! 只係你有無耐性及恒心而已!" 佢地既角度話, 母乳係天賦的餵哺功具, 如果唔係, 以前無奶粉, d人點餵奶? 最多只有量多或少之分, 有d人可能bb一出世便有奶, 有d可能要2-3日或者一星期才可以上奶. 無可能話完全無的! 

今日下午, 上咗我第一堂的產前運動. 之前有朋友在另一家醫院上過, 佢話第一堂通常只係睇播影帶, 無麥點教的. 所以都唔抱太大期望. 但估唔到贊育醫院既產前運動班咁堅, 一上堂便開始教授, 感覺充實好多!

上完黎一課, 我覺得產前運動真係好重要, 原來在懷孕嘅十個月, 身體機力係會為生育而改變的, 所以, 我地D筋骨開始鬆, 而且越黎越鬆, 盤骨開始擴大, 全部都係為生育而作準備. 同時, 因為我地陀住個胎十個月, 某程度上, 身體係黎十個月係負苛過重, 所以, 處理得唔好, 很容易產生腰骨痛, 恥骨痛, 水腫, 抽筋... ... 病徵, 如果沒有做運動的話, 情況可能會惡化, 甚至有後遺症, 生完BB後還會周身骨痛. 不過最重要係, 如果有做一些適當的產前運動, 不但可以減少痛症, 生起黎都會容易D, 唔洗係產房痛幾十個鐘都生唔到, 黎個至係main point!!!

今日第一堂, Miss教左幾個針對性的運動 :

尋晚真係比Beku嚇死!!!!

晚上當我上床準備瞓覺嘅時候, Beku就開始不停地郁動, 而且動作比平時密, 又比平時強. 有一下仲郁到我都"叫"左出黎, 感覺就好似有隻大老鼠仔係肚皮內"掟彎"咁, 由左邊掟去右邊... 真係成個肚, 成個人都彈起呀!!!

我的尖叫都嚇左老公一跳, 我即刻話佢知Beku的強烈郁動, 佢都即刻走過黎摸摸我肚皮. 雖然Beku再無"掟彎", 但佢都好乖, 比爸爸實實在在咁感受到她嘅強烈郁動, 而且唔只一次, 仲有幾次添. 老公即刻開心到呃...

平時Beku的郁動(胎動), 只有我一人感受得到, 除非她很用力地踢我, 否則, 肉眼很難看得到, 就算老公把雙手放肚皮上, 也很難感受到微弱的胎動.

雖然如此, 每一次當Beku郁動次數較多及大力的時候, 我都會告訢老公, 希望他能夠感受得到Beku的生命力. 而他, 每次也很雀躍地走過來, 把手放在我的肚皮上... 可惜, 跟著Beku的郁動便會變得微弱或暫停... ... Beku! 你是否在"整古"爸爸呢???

Week 17-18

~ 踏入2008年, 最大心願係一家人健健康康, 齊齊整整, 順順利利生Beku出黎!!!

~ 嘔少很多, 偶然嘔一次, 已經很滿足了.

贊育醫院的產前檢查安排了於21週進行結構性超聲波檢查。這個檢查是很重要的，因為醫生可以從超聲波中檢查beku的心，腦，胃，腎等器官是否健全，又會看看她的手手腳腳及有沒有兔唇等。更重要是可以知道beku的性別。

照過這個結構性超聲波後，再加之前做過的oscar（唐氐綜合症檢查），基本上已可知道bb是否健康。 不知是我好彩還是不好彩，聽說因為醫院資源有限，很多時都是由有經驗的護士幫你檢查，不過beku呢，就由一位中年的醫生加一位醫生學生進行檢查。不過這位中年醫生呢，只顧跟醫生學生講解，全個檢查過程中，基本上沒有跟我講解他現在照的部位是那裹？正不正常? 偶爾我有問題呢，他也沒多解說，最後還報上一句：「太太，你不要成日問問題，有問題我會告訢你，如果見到有問題，我比你仲緊張呢！總之有問題我就會話你知啦... ...」 

這樣的態度．．．或許就是政府與私家醫生的分別吧。所以很多孕婦以防遇著不好的醫生，除了到政府照一次外，也會到私家診所再照一次。今次的醫生雖然態度不太好，但總算在教導學生，應該也不會太"馬呼"吧！只是不向你講解而已... ... 

Week 11-12

~ 唔見左8磅了, 有D擔心! 個人很弱, 可能是食得少及嘔得多的關係, 基本上行路都沒有氣力, 就連由地鐵站行往公司的數分鐘路程也覺得很遠, 很累. 

~ 放工地鐵車廂人很多, 又沒有位置, 站上大半小時實在吃力, 有時還有頭暈暈的情況. 同老公商量過後, 決定放工坐的士回家, 寧願多付少少錢, 起碼可以安全抵家. 

還以為豬年旺丁, 原來鼠年也不弱呀~  慘! 現在要爭床位, 大個咪要爭學位??? 

不過講真, 兩年前朋友在私家醫院生BB, 也不需要交什麼留位按金, 但自上年起, 各私家醫院已向各孕婦, 在懷孕初期收取留位費(金額視乎不同醫院而定), 沒有繳交的便不獲留位, 就算在政府生產的, 也要盡早預約產前檢查, 不然也會說額滿而不收新症, 真的很誇張!

那天去診所檢查, 醫生說Beku一齊正常, 我跟老公當然開心, 最開心當然是醫生告訢我們Beku 的性別, 是我最鍾意的... 

離開診所的時候, 老公說 :" 以後我們要睇多些靚女照, 胎教嘛, 睇多D, Beku都會靚D."

我說: "好呀... 咁你唔好望Beku太多, 怕會越望越似你!! 哈哈...  "

一世人無幾多次懷孕機會, 一定要好好把握, 把事情記下來, 待日後回味一番. 如果有計劃也正在孕懷初期的朋友, 第一次的話一定很迷茫, 尤其是首三個月(小器期), 既不能大事宣揚, 又沒有太多懷孕上的知識, 那麼便可把我的經歷作參考, 或者可以減輕對孕懷的種種擔憂.

Week 4 
~ 用驗孕棒驗到懷孕, 由於其中一條線較淺色(可能時間尚早), 所以幾天後, 再去樓下門診再驗多次, 結果都係一樣, 好開心! 成功了! 醫生開左兩張懷孕証明書, 一張給公司作證明, 另一張用來跟醫院預約產前檢查. 

真的要借此機會, 歌頌一下天下所有偉大的母親, 原來, 由懷孕的一刻開始, 就是母親為她的孩子無私奉獻的開始, 直至年老, 都還是會為孩子們而奔波, 擔憂, 好像就成了她們的終身事業. 

不是在說我自己! 老實說, 我仍然在起步點, 最辛苦的只是嘔了, 辛苦了兩個多月, 對我母親及天下的母親為孩子所付出的, 真是"蚊比同牛比". 雖然我已結婚, 懷孕, 亦好快會成為我孩子的母親, 不過, 我媽媽對我的付出實在不少, 尤其是在這個害喜階段, 她每天來我家為我煮飯, 幫忙打點每餐膳食安排, 要應付我這些有嚴重害喜現象的孕婦實在不容易, 一來不是每樣食物都吃, 同時食量又不太多, 每餐只吃兩茶匙飯(根本沒有胃口吃飯), 同時又怕臭到一些濃烈氣味的食物, 一些太寒涼的食物又不能煮... ... ... ... 真的... 很麻煩, 連我自己也不敢出街用膳, 真怕未點菜, 已被餐廳內的濃烈食物氣味而引至嘔吐. 

試過有很多次, 飯前是有點餓的, 但當餸菜端上枱上後, 便開始沒有胃口, 不想吃, 每次也只是一小口一小口的把菜送入口, 之後咬上成分鐘才嚥下, 整餐飯也未吃完, 便沖著入厠所嘔吐, 把剛剛吃完的食物全部嘔個清光, 不只我自己覺得辛苦, 看著媽媽辛辛苦苦為我煮好的餸菜焦無辜辜被送到馬桶裏, 也會覺得媽媽的心一定不好受.

真的沒有想過這麼久也沒有update及回應. 

原先計劃, 在這段時間會把之前弄過但未post過的甜點/小菜上載, 以保持網誌的正常運作... 可惜事如願違. 胎兒在我身上所產生的害喜反應實在很大, 不停地作嘔作悶, 無論是飽肚還是空著肚都會嘔吐, 而且對食物非常敏感, 不能吃得太多, 每次只是吃上一丁點的食物來"吊命", 一下子令整個懷孕初期消瘦了10磅. 記得有一次, 拖著沒有氣力的身子上班途中, 被朋友在巴士上看見了, 她立即致電給我慰問,  當時因為未足3個月不可以宣揚, 所以也不可以直說, 只能說是感冒之類, 真的百般滋味在心頭. 

一向喜歡食的我, 在這個階段竟然對食物產生了"極大"的抗拒感, 在街上不可以嗅到食肆炒菜的味道, 晚上媽媽煮飯時, 飯味, 蒜頭味, 冬菇味, 蒽味... ... 總之擁有濃烈味道的, 通通都令我有反胃作嘔之感, 連水也不能多喝. 更可怕是... 連上自己的網誌, 看見每一道由自己烹調而成的美食照片, 也令我不舒服, 實在難受!