Travel 。CaKe

真係無唸過，第二胎都要買揹帶！無法子，要照顧Beku&Miku，無理由獨留妹妹係屋企而我就帶Beku去街市買餸嘛，所以點都要唸辨法係可以同時帶兩個一齊出去的！

其實我家已經有兩條，一條係朋友比的4in1式揹帶，一條係日本X型揹帶。老實講我好鍾意用X型揹帶，但嚟條只可以等BB條頸仔夠力時先可以用，所以而家未用得住。而另一條4in1係可以揹初生b嘅，但... ... 揹得唔方便又容易累（記得Beku初生時只揹過一次，就係滿月果日！），要我帶住Beku出街，又要揹得妹妹唔舒服／唔安全就真係攞嚟攪，就係我煩惱緊嘅時候，比我睇到一個Blogger佢用嚟款Sling揹帶！睇落真係好方便，好似一個袋咁將妹妹放入去，又唔洗綁帶（要綁嘅我又怕自己綁得唔好，妹妹會跌咗出嚟），大個咗都可以用，好似幾好咁！

唔洗一百蚊就可以幫我解決到一拖二嘅問題，超值！！我試用過幾次，都ok，唔累！妹妹好似比我打直抱咁，行行吓自自然就瞓著覺！不過因為包得都幾實，所以抱妹妹出番嚟果吓都幾高難度，真係要好小心先得！