Travel 。CaKe

聖誕日, 約了幾位朋友聚一聚, 先是去太古UA看電影"傷城", 然後再到我家Hea吓, 共渡聖誕.

"傷城" 由"無間道"班底製作, 起初還以為跟"無間道"差不多, 也是講述警察與賊的故事, 但原來導演只是以警察與賊作為故事的橋樑, 把人物的感情&仇恨一步一步的顯現出來. 雖然電影節奏有點慢, 但也不算是悶場. 最重要是電影能夠帶出一個思考空間給觀眾, 能夠帶領觀眾跟著電影的節奏走. 究竟"仇恨"是不是必要的? 是不是一定要報仇? 報仇後又是不是有一個好結果? 究竟報仇重要? 還是重捨失去的東西重要呢... ... ... ... 哈哈!!! 好像說得太深懊, 還是不要說太多, 留待每一位有興趣看"傷城"的朋友自己入場發掘一下吧. 不過, 可以說, 梁朝偉真的老了...

看過電影後, 我們去了吉之島買今晚的晚餐材料. 聖誕大餐通常都想起西餐, 所以, 我決定弄白汁海鮮天使面, 香煎牛扒 & 即焗芝士Pizza, 既快手又好味. 然後, 眼闊肚窄的我們, 更買了日式前菜(八爪魚仔, 蜆仔, 中華沙律)拼盤, 壽司拼盤2盒, 清菜, 溫室哈蜜瓜&果汁. 實行吃到盡吃到飽, 減肥? 2007年再算吧!!!

因為家寶說想試下整撻, 所以我便約了她於早上到我家一齊做草莓塔. 由於我都很久沒有做這個塔(撻)了, 加上撻皮最好先雪上一個晚上, 所以我便於前一個晚上, 先做一個撻皮放入雪櫃冷藏, 然後再準備一份撻皮材料跟家寶一起做. 幸慶我早一晚準備了一份撻皮, 不然我也不記得家裏沒有搓撻皮是需要要手粉(高筋麵粉). 所以, 一早我便去了太古UNY買了一包高筋麵粉(好貴呀! $28/包) 

家寶到我家後, 我們便再搓一份撻皮, 然後便是弄內餡"杏仁奶油餡", 切生果(草莓&藍莓), 再搽上果膠讓生果的色澤更鮮亮. 原本以後約3小時可以完成的草莓塔, 最後用了約4小時, 弄了6個4吋模塔及12個小塔(蛋撻塔size). 雖然弄了很久, 不過也很開心, 真為做出來的味道不錯, 一定要讚一讚家寶, 因為她以草莓&藍莓把每一個撻都設計得獨一無二, 增加了草莓塔的吸引力, 真的是功不可沒.

尋日去了警察訓練學校睇Annual Parade,  哈哈, 唔好誤會, 黎一個唔係Police既Annual Parade而係航空青年團的 35th Anniversary Parade. 當日岩岩遇著興利大廈既火警(即以前三越百貨位置), 攪到我, VVN & ANN要行到去鵝頸橋先有巴士坐入香港仔(黑仔!!!). 

入到去警察訓練學校, 儀式剛剛開始, 最吸引我地既注意力既, 當然係幾位人皇啦, 尤其是曾人皇及伍人皇, 因為VVN及ANN的相機及Video Cam已經一早reserved給他們了. 今年的Parade很特別, 負責操兵的人皇都紛紛留鬚, 以一個較為成熟的人皇LOOK示人, 效果唔錯喔, 仲成為全場的焦點添! 不過我唔記得問佢地留鬚既原因, 係咪就係想襯托返35週年?  

星期五11月24日是佩琪&佩穎滿月之喜, 兩個剛剛一個月大的BB女真的很可愛, 很乖, 整晚都沒有"扭計". 李生李太當晚都很開心很高興, 當然啦, 已經有個很乖很活潑的兒子, 現在還誕下一對孖女, 實在是一個很好的組合. 雖然李太說懷著孖女時高峰期有42吋腰, 不過, 從她的面上並沒有埋怨, 反而帶著一絲絲幸福呢. 而李生, 當然開心啦, 整晚差不多也抱著囡囡不放手. 

看著他們抱著小孖女, 小孖女的大阿哥又在他們身邊走來走去, 真有點時光飛逝的感覺, 記得幾年前, 老公的新居剛剛裝修好, 大阿哥還是一個小BB, 一走入屋內便哭過不停, 想不到眨眼之間, 已經幾歲大了...

尋日係我第一次參加貓友會既聚會, 初初都有D緊張, 因為係Forum上就見得多, 但見真人都係第一次. 不過, 當我見到佢地既時候, 就覺得佢地好nice, 並沒有因為第一次相識而尷尬, 可能大家都有同一興趣 - 煮野食, 整甜品啦! 入面個個都係整餅高手, 我係佢地裏面真係小毛見大毛呀, 係傾談當中, 我終於知道, 我一直以為自己係唧花曲奇上既問題, 原來唔係我既問題, 而係技術上既問題, 大家都會遇到, Esther及Alice更教曉我點樣把問題解決添, Thanks!

15位貓友再加上活潑可愛, 又喊又笑既小KeiKei, 一邊傾偈, 一邊享受著各位貓友準備的下午茶小點, 確係人生一大樂事. QQ的金菇肥牛卷; Tendy 的甜椒雞肉串; Kei 師傳的四式曲奇; Eva的芝士忌廉雜菌批; Gloria為QQ準備的藍莓芝士生日蛋糕, 

肚痛了兩天, 好辛苦! 原本想休息半天便上班, 最後也忍不了要去看醫生, 吃過葯後情況好像有點好轉, 但是... 現在又有點頭痛!!! 外面又下著很大的雨(黃色暴雨), 老公又上班去了, 天氣又濕又涼, 淒涼!!!

**************************************************************************************

今日係SOGO感謝週年慶大減價既第一日, 我尋日睇報紙已經留意到, 亦都好有興趣, 尤其支葡萄籽酒 &北海道牛乳, 又平又吸引.

結左婚既女人, 唔知點解, 對行街買衫既衝動減少左, 反而對行Supermaket就越黎越有興趣. 今次SOGO大減價都一樣, 我最有興趣既就係行佢既超市!

我已經放左工準時6點離開公司, 行去銅鑼灣SOGO, 但估唔到, 未到六點半既SOGO超市已經人多到水洩不通, 連搵一個購物籃也很困難, 更可況搵一架購物車??? 我今次去SOGO, 最主要既目的係買葡萄籽酒, 日本版豬骨湯味的出前一丁公仔面及北海道3.6度牛乳. 我都唔算太晏去到, 但豬骨湯味既公仔面&北海道牛乳都竟然沽清!!!! 有無攪錯, 我明明去到超市時係見到好多好多豬骨湯公仔面架, 點知係我搵個購物籃既黎5分鐘左右就比人搶購一空??? 有無咁誇張???

超市內實在有太多人太多人, 有時仲有D交通擠塞添, 真係無唸到減少少價, 竟然吸引到咁多人(我就係其中一個) SOGO既marketing真係要記一功!!! 每年都攪到咁多人為佢而瘋狂. 尤其是我黎D 師奶仔. 上圖就係我既戰利品, 唔算好多啦 (但好鬼重架!), 但總算樣樣都係真品 :

秋風起, 除左要食臘味之外, 最好都係開著窗, 就地而睡, 享受一下秋風帶來乾爽舒適既天氣. 你睇~ 連小朋友都懂得享受, 你又怎可以放過呢? 你睇佢地既樣子, 非常陶醉, 似唔似細過睇過某個日本牌子既風扇廣告一樣, 廣告內既小朋友個個都被風扇放出來既微風下熟睡.

黎兩個小朋友係朋友Naomi既小孩, 哥哥君玥已經讀緊K.2了, 而妹妹君昳下年都會入讀K.1, 佢兩個係咪好似樣呢? 兩兄妹瞓緊覺都要傾電話, 你話佢地感情幾好呢, 不過唔知佢地傾麥呢?

又一個朋友結婚了, 真的很開心, 也替他們高興!!!

今天是他們註冊的大喜日子, 我和好友們當然要出席啦!!! 他們選擇的是一切從簡的儀式, 在沒有禮服, 沒有花球, 沒有兄弟姊妹團的情況下, 兩個人穿著簡單的便服, 及準備好的婚戒出席婚禮儀式. 

雖然是一個簡單的婚禮, 但每一個朋友都為他們而高興, 祝福他們. 我本來想充當半個攝影師, 可惜我卻沒有留意相機的電磁差不多沒電了! 真是大頭蝦! 慶幸有很多朋友都帶了相機及DV, 所以也能夠幫他們拍下難忘的一刻. 幽默的新郎哥還"得戚"地說: "成世人都未試過影咁多相!" 呵呵呵... ...

今日放左工食完飯, 就去左舊同事Ricky家探探佢既BB 女 - 阮芯頤. 剛剛一個月大既芯頤, 雖然佢成晚都睡眼惺忪, 但都好鬼可愛, 尤其係成日用一對睜唔開既眼去望人(因為芯頤仲好眼瞓嘛), 哈哈!!! 有D覺得我地好殘忍, BB女咁眼瞓都仲要佢陪我地玩

今晚我仲咁大個女食左成碗豬腳薑呀, 平時我都係食一兩啖, 今日竟然可以食到一碗咁多, 哈哈... 無他既~ 因為真係好好味嘛. Ricky 阿爸你係得既!!!

我差點... 弄壞了雪櫃

話說那天早上約8:30, 因為趕著把蛋糕包好帶返公司(你知啦, 每天寧願多睡2分鐘, 也不願意早2分鐘起床準備一齊), 就忘記了把雪櫃關好... 我一直都不發現, 直至... 老公睡了9個小時後(他值夜班!), 即下午6時才發現雪櫃沒有關上, 而且... 動也不動, 沒有冷氣, 沒有聲音... 遭殃了!!! 難道我就是"雪櫃"兇手???

雪櫃開了2小時也好像沒有氣息, 雖然把電源拔掉再插入時, 上面冰格的摩打在動, 但下格還是沒有氣息... 老公發火了, 不斷在教訓我. 不過, 以我看了7集日本卡通Keroro(曹軍)所學回來的"目標轉移"! 我當然可以把難題化小, 小事化無啦. 幸好, 雪櫃最終開始制冷了, 而老公的火亦因為雪櫃沒事而熄滅了, 真的謝天謝地.

點解要講黎支Zi:Q眼葯水? 因為真係佢好掂, 去紅根一流呀. 

話說放完中秋假之後, 成個人都好似散晒咁好鬼攰咁, 尤其係對眼, 真係攰到唔想睜大眼架. 星期二果晚隻左眼仲勁爆紅根, 真係未到Helloween先嚇死人(Touchwood Touchwood!!!) 以為係副Con裂左, 返屋企睇除落黎睇下又唔係喎. 完整無缺呀. 

上個星期六, 即中秋節第二日, 係老公好朋友Elaine & Greg的新婚之喜. 我地一早已經約好左VVN一齊去. 註冊地點係中環ST.John Building 6/F 舉行. 我都係第一次去非婚姻註冊處觀禮咋, 當日真係好多人呀, 間waiting room都唔夠D Guest 企呀. 終於等到可以入場了, 個場都算幾靚, 不過... 幾靚都唔及一對新人咁靚咁觸目, 同埋佢地為大家安排的操槍儀式咁搶鏡啦

由於場地並唔係好大, 被入面D職員用不太禮貎的語氣趕走後, 我地就落到地下大堂, 嘩!!! 果到都一樣人山人海, 要影集體照都唔容易!!! 最後經非常之專業, 有領導才能兼一眼關七既伴郎Giroro San 用佢既百寶機帶領Guests走到香港公園繼續拍照.

不知道是否老公對於今日考車, 非常緊張, 所以一早起床, 他便跟我說:"昨晚睡得不好!!!"

當時是清晨6時, 我被他這一句說話弄醒了, 之後, 我就問: 

由VVN (CK女友)籌辦了一個多月的CK Secret B-day Party, 攪得非常成功. CK - 真的不發覺VVN靜靜地為他舉行了這個派對, 還四出邀請了他的好友及同學出席, 實在是一位無範女友.

VVN 為了這次派對非常落力, 除了為我們聯絡樓上cafe外, 還準備了特備節目, 有奬禮物......(不是壽星仔, 竟然都有禮物收??? 我們都很surprise ) 

不過最特別的,還是這將自制的生日卡, 由VVN親手包辨, 將CK的所以... 哎也! 內容不便公開啦, 講明是Secret Party, 當然要保留一點Secret啦.

這個星期... 病魔入宅!!!

星期二看了一次醫生, 鼻膜炎, 開了五六袋葯給我.

星期四淩晨, 突然頭痛, 出冷汗, 嘔黃膽水, 又去看醫生, 醫生也不知道我發生什麼事??? 不過又開了五六袋葯給我. 

 
TraVel cAke の 誕生 - 自從收到友人們送給我的焗爐後, 我就開始在網路上找尋有關焗餅的資料, 因此而認識BLOG - 網上日誌.

這陣子在我身上發生了很多事, 由本來的開心變成擔心... 憂心... 傷心...  到最後, 事情總算在傷害最輕的情況下了結了! 

世事難料! 天意難測! 很多事情都不是我們可以掌握得到的. 這可能就是上天給我們的考驗, 或者, 這也許就是-命運. 如醫生所說, 勉強的話, 到頭來也未必是好事, 現在的結局可能更好!!! 

雖然是傷心的, 但是很慶幸得到老公及家人的支持及悉心照料, 同事們的體諒, 還有一班好友, 當他們看見我失蹤了一段日子後, 便給我發sms or email慰問. 實在感激你們的支持及愛戴.