Travel 。CaKe

尋日係我第一次參加貓友會既聚會, 初初都有D緊張, 因為係Forum上就見得多, 但見真人都係第一次. 不過, 當我見到佢地既時候, 就覺得佢地好nice, 並沒有因為第一次相識而尷尬, 可能大家都有同一興趣 - 煮野食, 整甜品啦! 入面個個都係整餅高手, 我係佢地裏面真係小毛見大毛呀, 係傾談當中, 我終於知道, 我一直以為自己係唧花曲奇上既問題, 原來唔係我既問題, 而係技術上既問題, 大家都會遇到, Esther及Alice更教曉我點樣把問題解決添, Thanks!

15位貓友再加上活潑可愛, 又喊又笑既小KeiKei, 一邊傾偈, 一邊享受著各位貓友準備的下午茶小點, 確係人生一大樂事. QQ的金菇肥牛卷; Tendy 的甜椒雞肉串; Kei 師傳的四式曲奇; Eva的芝士忌廉雜菌批; Gloria為QQ準備的藍莓芝士生日蛋糕, 



還有Bees的蜂蜜蛋糕, (雖然Bees有事不能出席, 不過佢好有心, 特別做了蜂蜜蛋糕給大家分享) 真係好好好好味, 無論口感&味道, 跟台灣的義美沒有多大分別, 我試過做2次但都是不好吃!  

今次既聚會, 要好多謝QQ的照顧, 令我很容易融入她們; 多謝Gloria, 做攪手確係唔容易; 還有Kei師傳, Alice, Eva, 泡泡茶, Esther等的經驗分享. 最可惜係無時機同心心交流, (因為坐得太遠了), 不過原來心心在網路上及真人都係咁活潑的, 一句 " 三點式" 令全場抱腹大笑 (當然還有Kitty既奉獻啦!!!)

今日既相聚, 對大家認識了多一點. 臨走, 我仲老實不客氣, 攞左3件Kei's cookie返屋企添. 搵日, 我一定要試下整芝麻曲奇先得!!!

************************************************************************************************

***由於Wretch Upgrade 緊, 攪到部份照片未能顯示出來, 因此, 我決定先把新網誌Post放在我的Yahoo blog做back up,(本來Yahoo blog只用作回應的, 現在成了我的後備blog) 直至Wretch Upgrade完成為止


如看不見圖片, 請Click 入 => 

http://hk.myblog.yahoo.com/jw!Qj_ymlCFGRn3D8sJNKs0ew--/article?mid=55&prev=-1&next=45