Travel 。CaKe

今天晚了一點才下班, 趕不切返筲箕灣買餸, 本來想坐地鐵到太古買牛扒回家煮的, 但當我走到鵝頸橋街市時, 因為街市檔口還在營業, 我便改變主意, 買了牛柳, 作為今晚的主菜. 

因為老公趕著要上班, 只有半小時左右的時間準備晚餐. 所以便簡簡單單的弄了一道日式洋食 -  燒汁牛柳菠菜麵. 我還是第一次弄, 老公說燒汁+菠菜麵有點不配合, 但我又覺得OK, 味道也不錯, 當然, 如果配上綠茶麵的話應該更Japanese Style.  唯一美中不足是牛柳粒, 肉質很實很UN, 像是普通牛肉多於牛柳, 不知是我被騙了? 還是這不是一塊好牛柳!!!下次買牛柳, 還是返回常光顧的檔口購買較好.

我好似好耐無入過廚房煮返餐了... 我唸... 都應該有2星期啦. 雪櫃裏面仲有D食淨又就快過期既火腿, 蟹柳, 金菇, 仲有兩粒蒜頭. 唔洗唸咁多, 要最快可以張佢地消滅, 最佳既方法就係 -- 煮意粉. 把所有材料跟意粉撈埋就食得, 掂!!!

當煮好個意粉之後, 我就係意粉上灑上大量Parmesan Cheese (切碎&粉狀), 放入焗爐焗至金黃色便OK. Parmesan Cheese味道確是很香, 但烘焗後既Parmesan Cheese唔似片裝芝士或 Mozzarella Cheese咁完全溶入意粉入面, 返而有少少硬身&脆口, 芝士味很濃, 但卻少了芝士"藕斷絲連"般的質感. 所以, 下次要焗芝士意粉的話, 最好都係先舖上片裝芝士或 Mozzarella Cheese, 然後再係上面舖上Parmesan Cheese, 咁就又香又脆, Perfect!!!

上星期天很高興, 又一次跟友人們相聚, 而今次的主題是 - 西餐!!!

我們於下午1330集合, 先到官塘APM內的JUSCO買食材, 然後再到官塘街市, 大約一個小時便買齊了整晚的材料, 便坐車去Elaine&Greg的愛巢, 我是第一次到他們的家, 整間屋都很白淨很整潔, 給人一種很舒服的感覺, 而且, 最緊要是廚房很大, 5位C9&準C9一起迫在廚房內也不是問題, 真是令人羡慕!!!

這個蜜汁蒜蓉雞翼是第一次弄的, 味道我覺得不錯, 跟香草蜜糖雞翼的味道截然不同, 有淡淡的蜜糖味, 又帶著香濃的蒜蓉味, 非常可口. 昨天跟一班朋友聚會, 各位男性朋友一致應該雞翼是女仕們的至愛, 但今天我卻要把這個結論推翻, 因為, 今天給我發現了, 公司內的女同事都不太愛吃雞翼!!! 反而大讚另一味小菜 - 高昇排骨. 早知如此, 我便弄其他小菜回公司跟他們分享啦!!! 看見他們不太情願地吃雞翼, 我覺得很浪費!!! 喝紅酒的, 要找懂得喝紅酒的朋友才開心; 愛朱古力, 要找愛吃朱古力的朋友才懂得品嚐; 愛車的, 要找懂得車經的朋友才能詳談, 像老公跟我談車經, 真的是對牛彈琴. 

這個蜜汁蒜蓉雞翼跟香草蜜糖雞翼的調味差不多, 只是加入蒜蓉, 減少老抽的分量便可.

電腦個display有D問題, 我每開機後數分鐘個monitor便自動"going to sleep". 熄機再開都有事, 2晚都係咁, 真係有D驚報電腦就咁報銷, 幸好, 最後發現係電腦入面太多塵, 攪到張display card壞壞地, 而家吸左塵後就好似無事. 真係"呵呢吉帝"呀~~~

星期三晚整左黎個肉醬意粉, 之前公司大食會(其實都係得4個人, 每人整D野食返公司), 而我公司唯一既男同事葉阿mond就整左個肉醬意粉返黎, 嘩!!! 真係好鬼好味, 完全可以媲美餐廳既味道, 一句講晒"食過返尋味". 咁好味既野我梗係要學下啦, 所以便向同事取經, 再買材料返屋企試下. 

這個蕃茄牛根腩其實是上週末宴客時所剩餘的"餸尾", 不過因為這個星期有太多節目, 所以沒有時間早早把它吃光, 襯著今晚老公不用上班留在家中晚膳, 今晚一定不要放過機會把我們的至愛吃光(媽媽第一次弄這道菜的時候, 老公已經愛不釋手, 還下令要我向媽媽偷師呢)

可能昨晚太晚歸家, 加上被零晨電視劇<<�流金歲月>>大結局吸引著, 弄至差不多兩點才入睡, 所以今天都有點累, 不想用腦去想複雜的菜式, 唯有簡簡單單地用家中的材料弄一餐晚餐. 今次嘗試用天使麵(意粉類) 拼蕃茄牛根腩, 雖然這個蕃茄牛根腩在我眼裏是一道中菜, 不過拼上天使麵後卻沒有一點中式的感覺, 反而非常Western Style. 

除了天使麵外, 還有一客Pizza, 哈哈!!! 這個Pizza不是我自己搓的, 而是從吉之島買的急凍明太子魷魚Pizza, 它以明太子醬來代替蕃茄醬, 味道非常鮮美, 特價$19.90一包, 這個味道這個價錢, 值得Encore呀!!! 

前日身體不適, 中午看完醫生後, 便去了東大街買皮蛋瘦肉粥+牛脷酥作午餐. 然後到街市買了幾個蕃茄便回家了. 晚上原本跟老公吃飯, 簡簡單單弄一個意粉餐來慶祝我們的 Happy 21st. 後來他有公事正忙著, 所以不能回來吃飯慶祝, 他不回來吃, 我自己也要吃吧, 見晚上精神好了點後, 便弄了這個芝士蕃茄海鮮扁意粉. 

其實這個意粉很容易, 只需要把海鮮(我今次用了急凍龍脷, 北海道帶子 +蟹柳)解凍&醃味,下鑊煮至7成熟舀起, 用薑片, 蒜蓉/片起鑊(可以加入洋蔥), 蕃茄下鑊煮至溶化成蕃茄汁, 然後加香草, 黑椒, 糖, 鹽來調味(喜歡的可以加少少茄汁/茄羔), 加入海鮮料煮熟, 最後加入意粉及一片芝士便可.

灣仔人太多了, 午餐時想找個座位吃飯也很困難, 而且, 每天也吃著差不多的食物, 實在不感興趣. 不知怎的, 這個星期很想很想每天也把自家制的飯盒帶返公司做午餐 (同時, 因為老公這個星期下午才上班, 晚上弄了飯盒, 第二天他便可以在家吃過飯才上班, 不用為午飯而煩惱) 所以, 這個星期非常努力, 晚上沒有約會的話便回家玩"煮飯仔". 明天要跟客戶吃午餐, 所以今晚沒有準備給自己的飯盒, 但卻為老公準備了一個意式粉盒 (因為今晚我弄了意大利扁意粉, 所以叫粉盒, 不叫飯盒, keke...)

弄白汁其實非常簡單, 有3個方法 :

星期日下午, 友人Eva(及她老公)來我家一起弄泡芙, 晚上也在我家吃晚飯. 所以, 中午時分, 我就去了筲箕灣街市買餸, 原本計劃一湯三餸的, 後來又害怕三個人不夠吃. 所以我再去街市一趟, 看看有什麼材料, 可以多弄一道菜式.

一路走一路想著有什麼菜式可以弄, 洋蔥豬扒? 也好, 反正家裏還有2片豬扒, 可以多買多一片, 再加一個洋蔥就行了. 但是, 去豬肉檔買一片豬扒, 好像有點"運吉"!!! 突然靈機一觸, 就以豬柳代替豬扒, 這不是更加好? 反正我也未試過, 找2隻白老鼠來試試我的新菜式也不錯喔 (keke...) 

今晚B頭(老公細細佬)上黎屋企欣賞下部新電視, 咁我地就做左一餐晚飯, 點解話我地? 因為D餸係老公落超市買架. 跟住等我返黎煮. 今晚好豐富呀, 有3餸一湯 (湯係尋晚飲剩架), 仲有飯後甜品添(玉桂蘋果芝士蛋糕, 尋日整比Kita時我多做左一個4吋既比自己食), 嘩... 食到好飽飽呀~~~

黎款香草蜜糖雞翼算係我既"拿"手好戲... 只要將D雞翼解左凍, 用鹽, 糖, 生抽, 老抽, 少少油, 再加香草(百里香)及蜜糖撈埋一齊醮味, 跟住以200度焗30分鐘就可以啦, 想色澤平均D可每5-10分鐘反轉一吓隻雞翼, 咁焗出黎就會色香味俱全啦