Travel 。CaKe

現在，除了一些太複雜的答案，基本上跟Beku的交談是有交流有溝通、有對答有主見的。例如：

~ 開飯啦，你攞隻黃色匙給她，她會說：“我要綠色果隻。”
~ 問她想著什麼顏色的外套，她會說：“我唔鍾意白色，我鍾意紅色果隻。”
~ 問她想去那個公園玩？她會說：“藍色果個滑梯。” 我話：“果到好遠喎！” Beku答：“藍色果個滑梯好遠呀，我地要快D買餸先有時間去，而家夠唔夠時間去？“
~ 叫佢快D唔好遲到，佢就會答：“遲到會好似謙謙咁，無得玩波波。”（她返playgroup的同學仔，因為遲到所以玩唔到第一個波波遊戲，每次一提起遲到她就會記住！）
~ 聽到有飛機飛過的聲音，她就會說：“唔知飛機飛去邊呢？”

除此之外，現在還像是一個管家婆，每事問，無論我做了什麼她都要知道，最常發生的就是：
~ 我聽緊電話，她就會問：“邊個嚟架？邊個姨姨呀？我識唔識架？”
~ 我係廚房煮野，她會問：“你煮麥野呀？比我睇吓呃。“
~ 每朝起身就問我：“今日去邊到呀？”
~ 我個咀郁吓郁吓，佢就會問：“你食麥呀？Beku食唔食得呀？“
~ 我攞一件物件出來，她就會問：“嘜嚟架？Beku玩唔玩得呀？點用架？比我試吓... ..."
~ 我攞筆寫字，她會問：“你寫麥呀？比我睇吓！嘜嚟架？”
~ 我話嚟個餸佢唔食得，她就回答：“食少少呃？...  尋日爸爸都有比Beku食少少呀... ... "

總之呢... ... 她對身邊發生的事都要知要問，有時都覺得幾煩幾攪笑架，尤其是佢問D我都唔識點答嘅問題！不過唸深一層，又覺得係好事，小朋友求知慾強，總好過呆吓呆吓，不聞不問為佳。Beku，你繼續問吧！到你有多點知識的時候，就輪到我來問你架啦！