星期四(昨晚)約了家寶一起預祝VVN生日, 所以星期三便要在家中準備一個生日蛋糕. 之前問過VVN喜歡什麼蛋糕, 她說喜歡雲呢拿味&士多啤梨味, 但我想了很久也想不出雲呢拿味的蛋糕是怎樣的? 難道就是一個加了雲呢拿香油的海棉蛋糕? 不行不行, 看起來太沒有誠意了. 反而士多啤梨味的蛋糕選擇性較多. 最後, 我決定做這個士多啤梨蛋糕.
我是第一次做士多啤梨味慕思蛋糕, 做慕思蛋糕, 最大問題是魚膠粉/片的問題, 因為有些食譜, 魚膠粉成份很重, 做出來的慕思蛋糕質感便太硬了, 有些成份又太少, 做出來又會太軟. 幸好, 今次做的這個慕思蛋糕, 慕思質感也是可以接受, 雖然當晚的蛋糕吃起上來有點軟身, 但我相信是蛋糕沒有放入雪櫃所致 (當晚我提著蛋糕大約4.5小時, 蛋糕只放在保溫袋內, 用一塊雪種保溫) 因為, 剛剛我從雪櫃取出用剩餘材料做成的慕思杯來吃, 慕思質感是剛剛好的.
目前分類:甜品 - 蛋糕篇 (56)
- Jun 09 Sat 2007 23:33
士多啤梨慕思蛋糕
- Jun 09 Sat 2007 23:32
New York Cheese Cake
上上星期六, 去了Naomi & Nevin的家作客, 她弄了一餐很美味的西餐, 有洋蔥蕃汁青口; 烤羊排; 煎牛扒; Parma火腿拼十勝芝士烤多士&白汁意粉 (還有敏賢帶來的紅酒). 吃完晚飯後她說 : " 今晚的晚餐很好味, 唯獨欠了一個Cheese Cake."
就因為這一句, 所以老公便相約他們上星期六來我們家作客. 因為上次吃了西菜, 今餐就以中菜為主. 雖然跟芝士餅有點格格不入, 但是, 吃過晚飯之後, 休息一下, 享受一下紅酒的香~醇~, 西式的味覺又回來了, 就是享受芝士餅的時候!
- Jun 09 Sat 2007 23:32
家寶 Happy B-day (果仁朱古力戚風蛋糕)
今日係家寶既生日, 咁重要既日子更係留返比家人同佢慶祝啦. 而我呢, 就係前日(星期一)送左個親手做的果仁朱古力戚風蛋糕給她. 好耐之前已經知道佢好鍾意食朱古力戚風蛋糕, 但一路都無機會整, 今次仲唔係一個好好好好好... 既機會? (哈哈...) 黎個蛋糕其實我做過3次, 第一次係未影到相之前已經送左比老公的上司做生日, 但由於朱古力粒太細粒, 所以效果都未係好滿意; 第二次就因為落的朱古力粒太大了, 造成沉澱, 當蛋糕倒扣時, 突然整個蛋糕塌下, 好醜怪.
經過上2次的經驗後, 今次就把朱古力粒切開, 另外再把原材料的份量加大(因為原食譜做的17cm模份量, 始終都係太小, 所以今次就做了20cm份量, 點知... 份量又太多而產生"爆谷效應", 麵糊不斷升高升高, 弄至蛋糕表面變得像爆谷般醜怪. 幸好, 雖然蛋糕的樣子很醜, 內質感及味道都比預期中好. 算是一樣安慰吧.
- Jun 09 Sat 2007 23:31
再來"班蘭蛋糕"
其實班蘭葉, 又叫香蘭葉, 生長於東南亞地區, 除左新加坡有出名既Pandan Cake之外, 其實, 你地去泰國舖食既香葉包雞果塊"香葉"就係班蘭葉嘞!
- Jun 09 Sat 2007 23:31
母親大人牛一快樂(班蘭蛋糕)
明日是Ngane(我的母親大人, 老公的外母大人)牛一 (老實說, 我也是星期一才記起, 哈哈, 真有點不孝) 今晚老公要去開會, 只有我自己一個吃晚飯, 我便隨便吃下一個便當, 便開始炮製這個愛蛋糕.
之前嘗過阿貓的班蘭蛋糕, 味道真的可以媲美新加坡有名的Bengawan Solo 的 Pandan Cake. 可惜, 我今晚犯了一個大錯, 令到蛋糕升不起. 原因是上次焗完法式燉蛋後, 我就忘記了把焗爐的火路由"上火"改回"上下火", 令到蛋糕被上火不斷施壓的熱力下不能提升. 雖然幾分鐘後被我發覺並立即改回上下火, 但已經Certified, 這個蛋糕發育不健全!!!!
- Jun 09 Sat 2007 23:30
玉桂蘋果芝士蛋糕
同事Kita喜歡吃芝士蛋糕, 每次同客戶吃飯, 如果有甜品的話, 她都會點上芝士蛋糕, 星期二是她的生日, 所以就特別做了這款玉桂蘋果芝士蛋糕給她, 在此祝福她身體健康, 開心快活 .
***********************************************************************************************
- Jun 09 Sat 2007 23:29
祝中秋節快樂! (德爾哥比風蘋果蛋糕 & 紅莓合桃蛋糕仔)
今晚可以欣賞到9年以黎最大最靚既月光, 你地會去邊到賞月呢? 我今晚就要食兩餐飯, 今年無做冰皮月餅(因為無咁多時間做), 所以就做左黎兩款蛋糕黎"做節"啦~~~
祝大家中秋節快樂! 人月兩團圓!
- Jun 09 Sat 2007 23:28
紅莓戚風(雪芳)蛋糕
今日約左班大學同學出黎慶祝Jeanis & Me 既生日(我地兩個都係9月壽星女), 我黎個蛋糕怪當然唔會放過黎個機會, 整個蛋糕送比Jeanis啦. 話明今個星期係The week of Chiffon Cake, , 當然, 我都係做一個戚風蛋糕比Jeanis啦. 今次黎個係原味戚風(雪芳)蛋糕, 不過為左整靚D, 所以我係面頭加左D紅莓乾上去點綴一下.
可惜今晚食飯果間餐廳要收切餅費$50, 所以我地只有埋單後, 去左尖東既公園坐係到食蛋糕, 仲要係無刀無叉既情況之下, 一人"Meat" 一舊黎食... 哈哈, 又幾開心喎...
- Jun 09 Sat 2007 23:28
栗子戚風(雪芳)蛋糕
佢明天開始放假去北京玩一個星期, 希望佢玩得開心D, 盡食北京既美點佳餚啦
- Jun 09 Sat 2007 23:27
919事情簿 之 蘋果肉桂戚風(雪芳)蛋糕
哈哈.... 今個星期係The week of Chiffon Cake, 所以, 結婚週年都做左黎個蘋果肉桂戚風(雪芳)蛋糕黎賀一賀
肉桂味好香, 不過蘋果味就差少少, 下次整可能要落多D蘋果茸先得
- Jun 09 Sat 2007 23:27
華田戚風(雪芳)蛋糕
尋日無照到個蛋糕既"升高過程", 今次影返比大家睇, 由左至右, 上至下咁睇 (第一張相其實都入左焗5分鐘左右, 已經升高左少少了), 係咁升係咁升, 如果我銀行存摺既存款, 好似個蛋糕咁升得咁快就好了
- Jun 09 Sat 2007 23:24
朱古力戚風(雪芳)蛋糕
黎個蛋糕又易做又好味, 最岩用黎做早餐或茶點, 今晚同老爺食飯, 我就羅左個蛋糕去比佢地食, 兼當做明天的早餐. 老公同老爺食完之後都話個質感好掂呀 (不過老公話朱古力味濃D仲好!!)
- Jun 09 Sat 2007 23:24
祝~葉阿mond生日快樂 (綠荼芝士蛋糕)
昨晚坐地下鐵回家時, 突然想起今天是同事葉阿mond的生日, 哎也! 家裏沒有準備到做蛋糕的材料, 怎辦呢??? 後來, 記得家裏還有Cream cheese, 分量不多但也足夠做一個6吋的日本芝士蛋糕, 於是我便決定"攪攪新意思", 做了這個綠荼芝士蛋糕(以日本芝士蛋糕的食譜為藍本, 再加入綠茶粉)
不過, 今天把蛋糕拿回公司後, 跟同事說起後才知道, 原來... 葉阿mond不是今天生日, 而是明天-8月31日呢... 我真笨! 想一想, 我好像每年都記錯的. 哈哈! 沒所謂啦. 最緊要有心嘛.
- Jun 09 Sat 2007 23:23
Strawberry blueberry Cheese Cake
做這個蛋糕還發生了一件趣事, 就是我竟然把酸忌廉當成純乳酪買了回來, 幸好, 在計算分量的時候發現了, 就立即到樓下起市買回兩盒純乳酪. 如果我沒有發現自己買錯了酸忌廉的話, 不知做出來的蛋糕會是什麼味道呢?
- Jun 09 Sat 2007 23:23
Mocha Cheese Cake 莫加芝士餅
一個不喝咖啡的人, 竟然要做一個莫加芝士餅, 你們有沒有胆子試一試???
哈哈... 其實味道真的不錯, 有香濃的咖啡味, 又有滑滑的芝士味, 再加上Oreo餅底及黑朱古的配搭, 簡直Perfect! 不過, 看...看...為什麼蛋糕內會有一點點黑色的像芝麻的東東呢? 是什麼來?
- Jun 09 Sat 2007 23:22
日本芝士蛋糕
不知為什麼, 今次焗得很成功, 從前焗這個蛋糕, 總要用上比原來時間(食譜所寫)多出個多小時才完成, 每次也焗得很辛苦. 但是今次, 所焗的時間跟食譜一樣, 最多只是多出5-10分鐘就能把蛋糕焗好. 而且味道和口感都非常好...正. 不知是否今次我用了一個較淺身的模具, 還是在製造過程中我做了什麼我也不知道的秘訣, 所以就成功了 ?? 算吧... 不要再考究了, 總之做出來好味就已足夠.