Travel 。CaKe

想不到一架Airbus A380飛越維港的數分鐘飛行表演, 竟然會吸引數千人聚雜在尖沙咀, 山頂, 灣仔, 中環等最佳位置欣賞! 我們俩雖然沒有在這些人多的地方聚集, 但我們也有為著看見這個歷史性的表演而湊湊熱鬧! 

我呢, 就在刷完牙, 梳洗好後, 拿著自己的"傻瓜相機"對著窗口, 看看有沒有機會看到, 結果沒有令我失望, 還帶點驚喜呢. 而老公呢, 就在7:30am左右帶著相機到樓下的愛秩序灣海旁, 坐著靜靜地等候A380的來臨. 

來了來了, 它終於來了, 於8:05am見到A380由遠處飛來, 看! 它剛剛於嘉亨灣側面擦過呀, 慢慢由一架細小的飛機變成好大好大, 再慢慢向柴灣方向飛去! 新聞報導說今次A380會在離地300米左右以低飛的恣態飛越維港, 由西環至柴灣, 再轉一個圈才飛返機場, 為未來四天的亞洲航空展作展覧.

上星期六日, 見了很多小寶貝, 它們分別有8個月大的傑傑, 彤彤, 13個月大的熙熙, 還有6歲大的樂樂. 數年前, 在我們眼中是小BB的樂樂, 今天... 已經變成大哥哥了, 時間過得真快! 

咁樣翻轉頭? 帕布, 你都算古惑! 仲要一個朝早由1號, 變3號, 再突然變8號風球! 勁呀! 下次唔該早D通知, 等交通部做足準備, 咁我唔洗花個多小時先返到屋企嘛!

一樣米養百樣人, 這句說話真的沒錯, 你們的...實在聽得太多, 看得太多, 已經有點吃不消. 本來你們的問題與我無關, 現在卻好像越來越近. 我真的不想參與, 為什麼不可以簡簡單單地過活? 為什麼一定要來個爭鬥, 來點手段才活得開心? 為什麼眼內只有神而沒有共事多年的夥伴? 為什麼? 為什麼???

真的很討厭, 很煩, 究竟要怎樣才可以停止? 我只想安安靜靜地做好本份, 可否... 給我一點空間???

星期六, 本來可以開開心心, 休休閒閒的過一天. 但後來... 被老公的一番說話激怒了! 本來只想到太古城逛逛走走, 到百佳超市買一塊牛油回家. 後來卻因為心情極度失落, 失去理智之下, 就買了4件衣服,  沒錯!!! 是4件衣服, 記憶之中, 除了去旅行之外, 在香港真的從未試過發生, 今次總算破紀錄!  

P.S. 雖然買得有點失控, 不過都是減價貨, 不然我真的捨不得. 四件都在APITA的櫃位買的, 約$320四件衫, OK啦!  

最近公司內流行著一股"淘金熱", 淘什麼"金"? 基金是也. 每天也在討論著那一隻基金升了多少點, 那一隻有潛質, 那一隻升得太熱... ... 連不太懂的我, 都開始了解一下.

老實說, 平時我只會看看我的MPF表現, 最近升了多少? 買哪隻基金回報好嗎? 是否要將基金比例重新調配... ... 每年, 我總會有1-2次把MPF內的基金調配一下, 把部份有潛質的基金加入或加碼... 我也是一個較保守的人, 所以不會100%放在最最最進取的基金內, 但總算, 受著股市的勁升熱潮, 我的MPF也升了不少 , 看著MPF的總金額不斷在升, 雖然要到65歲才可以拿出來,( 到時因為通漲可能不值多少錢), 但少不了都有一點滿足感. 

正正受著公司的"淘金熱"影響, 我開始跟老公商量, 用聯戶內的血汗錢買一點點基金, 剛剛買了兩隻, 計劃一年左右贖回, 希望它可以為我們的聯戶賺多一點錢, 用作家庭基金及旅行基金之用啦 

今日是回歸10週年的大日子, 時光飛逝, 眨下眼就十年了. 這十年我們經歷了很多苦與樂! 希望未來的香港, 是樂多與苦, 人人生活安康, 社會健康成長. 


由六月開始, 已經不斷有很多宣傳活動舉行. 昨晚, 在沒有選擇之下, 看了一整晚的<<�回歸十周年文娛晚會>>. 節目剛開始時, 當看見四位主持人用普通話對話後就開始縐眉, 很後悔今晚沒有租電影回家看, 不是我怕聽普通話, 而是怕節目"娘味不足". 我真的聽不慣叮叮查查, 及滿場紅的節目安排(中國很多喜慶節目都是這樣安排) 不過, 當看了一, 兩個環節後就令我改觀了, 因為每一個環節都很吸引, 尤其是雜技環節, 沒有一丁點"娘味", 反而把一向給人看低的雜技表演提升了, 原來雜技都可以很好看, 原來雜技都可以很高級, 原來雜技都可以很好看, 為什麼我在中國旅遊時從來未看過這樣吸引的雜技表演???

在這個酷熱的天氣下, 只要一熄冷氣, 數 5... 4... 3... 2...1... D汗就會從頸, 額頭, 背脊, 心口開始流出來, 真係未出門口, 先變成"香香公主"!!! 

雖然咁熱真係令人好煩, 不過比我發現到一個免費既服務, 就係----桑拿@Home 啦~~~  
---------------------------------------------------------------------------------------------------------------------------

上星期同2位朋友行街食飯. 嘩! 好耐都未試過咁Free了. 我地除左一路食飯, 一路講下近況外, 仲走左去SOGO試泳衣添. 哈哈!!! 真係未試過三個人困係一個試身室內試泳衣. 好攪笑!!! 我地仲續件事, 無走寶添, 我唸我地發出既嘈音, 係咁多試身室內最嘈既一間. 連服務員最後都頂唔住, 走黎問我地D泳衣岩唔岩身? (好似想趕我地走咁) 雖然最後我地都無買到, 但我地已經過左一個又攪笑又開心既晚上.

我記得對上一次同朋友有咁親密既經驗已經係好多年前既時, 果時剛剛大學畢業, 同朋友走去馬莎試BaBa. (唔好心邪, 我地係好正經咁各自試身, 絕不偷拍架!!!) 不過講真, 黎幾年各人各有各忙, 真係好少話約出黎行街買衫, 大家既工作, 生活, 習慣改變了, 有D又要返Shift, 有D又要讀書, 有D又要湊仔, 或者湊老公, 有時可以約出黎食餐飯聚聚已經係好好既分享, 真係唔好話試D咁貼身既野.

細個唔會一個人行街, 覺得好悶好慘咁, 不過而家有時都會一個人行街, 返而覺得Free D, 尤其放工後老公仲未收工又無心機煮飯果晚, 又或者心情低落又唔想同人講野時, 自己一個行街其實都係一種Release. 不過當然, 有時都會約下朋友行下街啦! 唔係就會變成"獨姑老人", 生活只有老公, 沒有朋友了!!!

話明去旅行, 看櫻花, 相機當然唔少得啦, 次次去旅行都係帶部大相機(屋企唯一一部DC), 不過, 因為今次沒有老公同行, 只有三個女人, 咁樣既話帶部大相機好似太觸目, 唔係太方便, 你知啦, 韓國人出名粗魯, 萬一比佢地發現我偷影佢地, 真係唔知有麥後果, 所以, 都係決定買一部傻瓜機好D

其實一直都想買部傻瓜DC, 因為平時都可以隨身帶, 想幾時影相都有得影嘛, 今次去旅行算係張我黎個想法付諸實行啦. 可能之前果部都係Panasonic機, 用開又覺得OK, 所以今次買DC仔第一時間都係睇Panasonic. 睇過幾款後, 最後決定買FX07, 雖然佢唔係新款, 不過擁有28mm廣角鏡, Leica鏡, 又有防手震(不過而家好多機都有黎個功能), 加上細細部又有黑色(型D嘛, keke...), 價錢又唔係貴 (其實FX50&FX30既功能同佢差唔多, 但價錢就貴FX07幾百蚊), 老公幫我係旺角買, 水貨$1660, 有一年水貨保養, 算係咁啦. 

第一次拗柴!
第一次係屋企門口發生意外! 
第一次以跨欄的姿勢拗柴! 
第一次被鄰居直擊瘀事實況!

211大喜事? 沒錯, 2月11日正是老公的細細佬小登科的大日子. 今日終於有時間報導一下了.

因為弟婦的娘家離我家很近, 所以我們不需10分鐘便到達, 不過, 越近的人, 就越容易遲到, 原本遲了約10分鐘的我們, 原來也不是最遲的, 最遲的竟然是新郎哥!!! 因為... 他忘了帶備開門利是!!! 所以要開車回家取回利是, 真是大頭蝦! (不過我相信結婚當日, 很多新人也試過不同的大頭蝦事件!!!)

終於儲到一張機票啦 , 算是一份新年禮物吧! 15000哩等於一張來回台灣機票, 唔知幾時有得飛去玩呢? 唉... 不過老公轉了新部門, 短期內都唔會有機會同我去旅行lu... ...

不過唔緊要, 我慢慢再儲多D哩數, 唔知有無機會再儲一張日本機票, 咁我咪可以去多次北海道, 又或者去其他日本城市羅. kekekeke...

2 月1 日

昨天除了被誤會懷孕外, 也有一點意外發生... ...

就是當我一級一級慢慢的走上酒樓時, 涼鞋突然被梯級卡住了, 當我用力地把腳抽出來的時候, 鞋踭的膠底便飛走了... 一根"光脫脫"的鐵釘便在鞋踭的底部暴露了出來, 真是醜怪.

昨晚回到酒店, 已經用9秒9的時間跑到酒店對面的商場找修鞋店, 店是找到了, 店員也在, 但一句" We're closed" 便把生意拒於門外... 只是把新的膠底補上便行了嘛, 又不需要用什麼機器, 就是不肯幫上這個忙, 不肯賺我的生意, 如果在香港的話, 服務態度一定不同...

這個多星期真是很忙碌, 不論是公事還是私事. 公事上, 不知何解? 這個多星期總有很多古靈精怪的問題, 除了受海底電纜斷掉的影響外, 還有一些奇奇怪怪的供應商, 做出一些意想不到的傻事, 就因為他的傻, 令我足足煩了一星期. 這個星期, 又不知何故, 客戶的用量每況越下... 一年之始的一月, 竟然發生這麼多事, 實在擔心往後的十一個月還會有什麼事發生... ... 

每天Non-stop地工作, 晚上連上網的精神也沒有, 加上要出席兩位好友的婚宴, 其中一個婚宴, 我還要擔任姊妹, 所有精力都給耗盡了... 到今天, 平淡的生活才好像回復過來, 但想起星期天要飛往新加坡到總公司開會... 又再令我的心情指數極速向下...

雖然是忙忙碌碌, 但看見2位好友結婚都很開心. 兩位好朋友的婚宴很不同, 一個是要簡簡單單的婚宴, 在會所延開9席, 把最親最友好的朋友請來, 沒有豪華的婚宴, 沒有什麼感人的說話, 也沒有什麼花巧, 沒有什麼安排, 一齊盡在不言中, 當然, 這一天是Jeanis 最美的一天, 也是笑得最甜最燦爛的一天. 還有, 她爸爸送的一顆巨鑽戒子, 實在令人驚喜又羡慕, 希望Jeanis &老生婚後的生活一樣甜甜蜜蜜, 如鑽石般永恒不變啦!!!

昨晚過了一個懶洋洋的晚上(其實是周身骨痛的晚上). 

因為老公要上班, 晚上只有我一個人在家, 所以沒有弄晚餐, 只是坐在梳化, 一邊吃著我喜歡的零食雜糧, 一邊看電視, 呀! 還有老火湯水. 本來想弄一個蛋糕, 不過懶隋的身軀躺在梳化上卻不願動, 最後想起一個可以不用動又可以舒緩疲累的方法 --- 就是"浸浴".

06年的最後一日(即31號)我和幾個中學同學去了探望出世剛剛12天既"蔣氐BB", 點解叫"蔣氐BB"? 因為BB剛剛出世, 父未決定改麥野名好, 佢父親姓蔣, 所以暫時就叫佢做"蔣氐BB"先啦.

BB好可愛! 好精靈! 哎也, 黎D說話唔好比BB聽到, 唔係就會小氣Lu 喎 (都係近排生左BB既朋友講既). 我真係覺得BB媽媽-超超好勁, 一個著細碼衫既人可以誕下一個重8磅多既超級BB, 犀飛利!!! 比著係我一定驚到唔知點算好.  不過超超都算很幸運, 陣痛左4-5小時就生左BB (有朋友試過痛10幾小時), 痛少幾個鐘真係差好遠架. 不過, 無論痛幾耐都好, 每個孕婦都會同你講"生仔真係好好好好痛!!!" 可想而知, 母愛係幾偉大呢?

踏入2007年, 祝各位好友新年快樂!!! Happy New Year!!!

我每一年都有同一個願望, 就是"世界和平"啦!!! 哈哈, 係咪好"行"呢? 但黎個確係事實, 世界唔和平, 你&我都唔會有開心快樂既生活, 好像 元旦日在泰國曼谷的炸彈事件, 真係令人很擔心. 不知道什麼人幹的好事, 要破壞和諧美好的社會. 

那天經過吉之島, 在它的展銷攤位發現這個<<�男朋友枕頭>>. 想不到日本人這樣細心, 做一個枕頭來模仿男朋友的手臂, 而且它還穿上一件筆直的恤衫. 真的很有趣. 

不知道"它"的手臂舒服點? 還是"他"的手臂舒服點呢???