Travel 。CaKe

今日真係比Beku激死我呀！激到我好嬲，成個晏就都唔想同佢講野呀！！！

唔知點解，嚟幾日Beku每日都有一次勁扭計（起碼１粒鐘），之前可能因為我地有幾晚出咗去食飯好夜先返屋企，攪到佢唔夠瞓，但嚟兩日已經好乖唔敢再騷擾佢嘅睡眠時間，等佢回復正常，可以養好精神，尋晚已經準時7:30就瞓，晏覺都瞓咗2個鐘左右，但今日竟然都係到扭計，食完飯落樓下公園玩一陣，明明答應咗玩多次滑梯就走，但竟然一玩再玩，仲要之後跟住d幼稚園姐姐一齊玩，連我係唔係附近都唔理，望都無望吓我。返到屋企仲要不斷係床仔扭呀扭，扭呀扭，一陣又要我陪佢，一陣又要你同佢抹眼淚，抹極都唔滿意，一陣又唔知話麥野「翻轉咗」，問佢呢又係到發忟憎！真係火都嚟埋呀！尋日黄昏佢係到扭計已經比佢伸咗兩腳落個肚到，攪到我成晚忍忍作痛，今日又咁樣，真係唔發火都唔得呀！！！真係忍唔住好大聲咁鬧佢，跟住仲打咗10吓Pat Pat(有著片的），之後佢就喊得細聲d，無扭得咁勁，慢慢就瞓咗！

唉！Beku，唔好吓吓要我打呀鬧呀先唔扭計啦！媽媽都唔想打你鬧你架！你以為我打你鬧你我會開心咩？但你嚟幾日嘅行為真係好反常態呀！！！究竟又乖又叻果個Beku去咗邊呀？今晩好好咁瞓一覺，明天要乖返d聽話啦！唔好再係到無理扭計啦！