close

放工前問老公今晚想食麥嘢? 其實都唔洗問, 因為一早知道個答案喺 - 牛肉喔唔該!!!

屋企有個牛魔王, 真係要唸多幾款用牛肉整嘅餸, 老公鍾意食菠蘿炒牛肉, 不過我未食得菠蘿住, 如果唔係, 街市$8三個新鮮大菠蘿真係好抵, 仲要去埋皮喎, 抵抵抵!!! 所以, 最後都選擇咗一個我又食得老公又食得嘅 - 西蘭花拼牛肉粒.

本來喺炒牛柳粒, 但我覺得牛肉佬比錯咗牛肉我, 因為煮出嚟嘅牛肉質地唔"林"兼un un 地. 唔怪之得今日塊牛肉大塊咗啦~~~ 所以, 今晚既餸唯有改名為"牛肉粒"啦

今次嘅牛肉粒, 可能醃味時間唔夠, 所以肉內嘅味道未夠突出, 反而外層的味道好掂, 好夠味, 仲唔知點解多咗層甜味(我又無落蜜糖???) 好得! 如果肉粒裏面都夠味道的話就Perfect啦~~

牛肉粒醃料 : 生抽, 魚露, 砂糖, 粟粉, 胡椒粉, 白酒, 黑椒粒, 少少百里香香草 (炒牛肉時再落了少少白酒, 最後灑上炸蒜容令牛肉更香口)

arrow
arrow
    全站熱搜

    travelcake 發表在 痞客邦 留言(0) 人氣()

    E-mail轉寄